निष्क्रिय कर्जा घटेपछि बेष्ट फाइनान्स नाफामा, प्रतिशेयर आम्दानी कति पुग्यो?

Oct 24, 2021 06:23 AM Merolagani

बेष्ट फाइनान्स लिमिटेड (BFC) ले चालु आर्थिक वर्षको पहिलो त्रैमासको अपरिष्कृत वित्तीय विवरण प्रकाशित गरेको छ। विवरण अनुसार निष्क्रिय कर्जा घटेसँगै फाइनान्स नाफामा गएको देखिन्छ।

फाइनान्सले पहिलो त्रैमाससम्ममा १२ करोड ११ लाख ६० हजार रुपैयाँ खुद नाफा आर्जन गरेको छ। गत आर्थिक वर्षको सोही अवधिसम्ममा फाइनान्सको यस्तो नाफा ८९ लाख ९९ हजार रुपैयाँ ऋणात्मक रहेको छ।

निष्क्रिय कर्जा उल्लेख्य घटेसँगै इम्पेरमेन्ट चार्ज रिभर्स हुँदा फाइनान्सको नाफा बढ्न पुगेको हो। समीक्षा अवधिमा फाइनान्सको निष्क्रिय कर्जा १४.२६ प्रतिशतबाट घटेर ४.०५ प्रतिशतमा झरेको छ। त्यसैगरी, असोज मसान्तसम्ममा फाइनान्सको १२ करोड ६६ लाख ९८ हजार रुपैयाँ इम्पेरमेन्ट चार्ज रिभर्स भएको छ।

समीक्षा अवधिमा फाइनान्सको खुद ब्याज आम्दानी ३.५७ प्रतिशत घटेको छ। यद्यपी, फाइनान्सको कुल सञ्चालन आम्दानी ८०.३९ प्रतिशत बढेको छ। फाइनान्सको खुद नाफा ऋणात्मकबाट धनात्मक भएपनि वितरण योग्य मुनाफा भने २७ करोड २५ लाख रुपैयाँ ऋणात्मक रहेको छ।

समीक्षा अवधिमा फाइनान्सको जगेडा कोष ९४.७१ प्रतिशत बढेको छ भने निक्षेप ४.३२ प्रतिशत र कर्जा ५३.११ प्रतिशत बढेको छ।

त्यसैगरी, असोज मसान्तसम्ममा फाइनान्सको प्रतिशेयर आम्दानी ५८ रुपैयाँ ४७ पैसा, मूल्य आम्दानी अनुपात ७.३४ गुणा र प्रतिशेयर नेटवर्थ १२५ रुपैयाँ ३५ पैसा रहेको छ।

comments powered by Disqus

यस्तो छ वाणिज्य बैंकहरुको ५ वर्षे लाभांश इतिहास

Dec 05, 2021 08:03 PM

वाणिज्य बैंकहरुमध्ये २३ वटा वाणिज्य बैंकले गत आर्थिक वर्षको कमाइबाट शेयरधनीहरुलाई वितरण गर्ने लाभांश घोषणा गरेका छन्। अझै ४ वटा वाणिज्य बैंककाे लाभांश घोषणा हुन बाँकी छ।