आयोगले आज (बुधवार) २ बजे विद्युत महसुल सम्बन्धमा विद्युत विभागको हलमा पत्रकार सम्मेलन गरेर उक्त बिषय सार्वजनिक गर्ने तयारी गरेको छ । आयोगका एक कर्मचारीले मंसिर १ गतेदेखि नयाँ दर लागु हुने जानकारी दिए । ‘मंसिर १ देखि सस्तो दरमा बिजुली दिँदै छौँ, २० युनिटसम्म खपत गर्नेलाई निशुल्क बिजुली उपलब्ध हुने छ,’ उनले भने ।
आयोगले साना तथा ठूला विद्युतीय सवारी चलाउनदेखि घरायसी खपतलाई बिजुली सस्तो बनाएको दावी गरेको छ ।
अहिले पनि रातको समयमा बिजुली खेर गइरहेको र बर्खामा पनि करिव ५ सय मेगावाट बिजुली बढी हुने भएपछि विशेष चासो दिएर विद्युत् महसुल सस्तो बनाउने र खपत प्रवद्र्धन गर्ने काम सरकारले गरिरहेको छ ।