पछिल्लो समय निक्षेप संकलनमा निरन्तर कमी भए पनि ऋण प्रवाह भने रोकिएको छैन । चालु आवको असोज मसान्तसम्म वाणिज्य बैंकहरुमा ४ हजार २ सय ४९ अर्ब रुपैयाँ निक्षेप रहेकोमा कात्तिक ९ गतेसम्म ३ अर्ब रुपैयाँले घटेर ४ हजार २ सय ४६ अर्बमा झरेको छ । कात्तिक ९ गतेसम्म वाणिज्य बैंकको ऋण भने ४ हजार ७ अर्ब रुपैयाँ पुगेको छ । असोज मसान्तसम्म वाणिज्य बैंकको ऋण ३ हजार ९ सय ९८ अर्ब रुपैयाँ थियो । कात्तिक ९ गतेसम्म वाणिज्य बैंकले ९ अर्ब रुपैयाँ कर्जा प्रवाह गरेका छन् ।
बैंकिङ प्रणालीमा तरलता सन्तुलनका लागि राष्ट्र बैंकले रिपो जारी गर्दै आएको छ । यो रिपो दुई हप्ताको लागि जारी गरिएको हो । कात्तिक २५ गते बिहीबार आज जारी गरेको रिपो परिपक्व हुनेछ । बोलकबोलमार्फत् जारी हुने सो रिपोको क, ख, ग वर्गका बैंक तथा वित्तीय संस्थाले अनलाइन बिडीङ मार्फत् खरिद गर्न सक्नेछन् ।
