यस दिन छापावाल सुन प्रतितोला ९२ हजार १०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यस्तै तेजाबी सुन प्रतितोला ९१ हजार ६०० रुपैयाँमा खरिदबिक्री हुँदैछ । अघिल्लो साताको अन्तिम कारोबार दिन सुन तोलामा २०० रुपैयाँले बढेर प्रतितोला ९१ हजार ९०० रुपैयाँ तोकिएको थियो ।
आइतबार चाँदीको भाउमा भने गिरावट देखिएको छ । आज चाँदी तोलामा १५ रुपैयाँले घटेर प्रतितोला एक हजार २१० रुपैयाँमा किनबेच भइरहेको हो । शुक्रबार पनि चाँदीको भाउ ओरालो लाग्दा प्रतितोला एक हजार २२५ रुपैयाँ कायम रहेको महासंघको तथ्यांकमा देखिन्छ ।