आक्रमक बजार विस्तारको रणनीतिका साथ जम्वो मोटर्स प्रालिले २ घण्टामा फुलचार्ज हुने ब्रावो स्कटर नेपालमा ल्याएको हो । रेट्रो डिजाइनमा बनेको यो स्कुटर लङ रेन्जको लागि बनेको दाबी कम्पनीले गरेको छ ।
हालसम्म नेपाली बजारमा २०० किलोमिटर माथि रेन्जको स्कुटर भित्रिएको थिएन । नेपालका लागी ब्राभो इलेक्ट्रिक स्कुटरको आधिकारीक वितरक जम्वो मोटर्स प्रालिले नेपालमै पहिलो पटक लङ रेन्ज स्कुटर भित्र्याएको हो ।
हाल कम्पनीले देशैभर टेष्ट ड्राइभ कार्यक्रम सञ्चालन गरिरहेको छ । हाल जम्वो मोटर्स अन्तर्गत कम्पनीले ओपाइ र लेभ्निङ ब्राण्डका इलेक्ट्रीक स्कुटर समेत भित्र्याउदै आएको छ ।
के के छन बिशेषता ?
नेपाली बजारमा आएको यो स्कुटरमा ३ किलोवाटको मोटर जडान गरिएको छ । दुई भेरियन्टको ब्याट्री अप्सनमा नेपाली बजारमा आएका यो स्कुटरमा २० एम्पीयर र ४० एम्पीयरको ब्याट्री पाउन सकिन्छ । कम्पनीका अनुसार यसमा २१ हजार ७०० सेलको एड्भान्स ब्याट्री रहेको जसलाई २ घण्टामा फुल चार्ज गर्न सकिन्छ ।
फास्ट चार्जर सहित उपलब्ध यो स्कुटरमा दिइएको ब्याट्रिले एक पटकको चार्जमा २४० किलोमिटरसम्म चलाउन सकिने कम्पनीको दावी छ ।
रेन्ज २४० किलाेमिटर
जम्वो मोर्टस्का निर्देशक बिनाेद न्यौपानेले टेष्ट्र ड्राइभ कार्यक्रम सकिएपछि नेपाली बजारमा सार्वजनिक गर्ने तयारी भएको जानकारी दिए । ‘स्कुटर नेपालमा नै दुई घन्टामा फुल चार्ज हुने र २४० किलोमिटरसम्म रेन्ज दिने पहिलो स्कुटर हो।’
यो स्कुटरमा टीएफटी डिस्प्ले, कि लेस स्टार्ट, बाइडर टायर, टेलीस्कोपिक सस्पेन्सन, एलइडी लाइट्स, डिस्क ब्रेक, बुट स्पेस लगायतका आकर्षक बिशेषता कम्पनीले उपलब्ध गराएको छ ।
नेपाली बजारमा यो स्कुटरको मूल्य तीन लाख ५० हजार माथि नै हुने अनुमान गरिएको छ ।
