विदेशी लगानीकर्ताहरूले धेरैजसो दक्षिण कोरिया,ताइवान, फिलिपिन्स, थाइल्यान्ड भारतको बजारबाट पैसा झिकेको बताइएको छ। जसमा सबैभन्दा बढी पैसा भारतीय शेयर बजारबाट झिकिएको अनुमान गरिएको छ। पछिल्लो समय विश्व शेयर बजार नै मन्दी उन्मुख छ। सोही कारण विदेशी लगानीकर्ताले शेयर बजारबाट पैसा झिक्न थालेका हुन्।
अमेरिकी फेडरल रिजर्भ बैकले गरेको ब्याजदर वृद्धि, विश्व बजारमा बढ्दै गएको महँगी र इक्युटिको अधिक मूल्यका कारण विदेशी लगानीकर्ता तत्कालकोलागि शेयर बजारबाट निस्कने रणनीतिमा काम गरिरहेका छन्। भारतीय शेयर बजारबाट मात्रै जुनमा ३१ अर्ब रुपैयाँ भन्दा बढी विदेशी लगानीकर्ताले पैसा झिकिसकेका छन्। जुन एक महिनामा मात्रै उक्त रकम झिकिएको हो। अहिलेसम्म भारतीय शेयर बजारबाट एक खर्ब ९८ अर्ब रुपैयाँसम्म झिकिएको छ।
