समितिमा नेपाल धितोपत्र बोर्डका तर्फबाट मुक्ति श्रेष्ठ र विनयदेव आर्चाय रहने भएका छन् भने लगानीकर्ताको तर्फबाट पाँच जना रहने गरी ७ जनाको समिति गठन गरिने भएको हो ।
उक्त समितिले लगानीकर्ताहरूकाे १९ बुँदे माग पुरा हुने समय अवधि ताेकिएर पछि मात्रै अनसन तोडिने भएको हाे । समितिले आजै सबै माग पुरा गर्ने सेड्युल बनाए अनसनरत काेइरालाले अनसन ताेड्ने जानकारी गराए ।
हिजो भएको पत्रकार सम्मेलनमा बोर्डका अध्यक्ष रमेशकुमार हमालले लगानीकर्ताले उठाएका अधिकांश माग मध्ये धेरैजसो जायज माग कार्यान्वयको क्रममा रहेको बताएका थिए । त्यही आधारमा आज समस्या समाधानका लागि समिति गठन गर्न लागिएको आन्दोलनरत एक लगानीकर्ताले बताए ।
पुँजी बजार संघर्ष समितिले पुँजी बजार सुधारको लागि भन्दै १९ बुँदे माग राखेर आन्दोलन गर्दै आएका छन् । समितिले गत जेठ २३ गतेमात्रै धितोपत्र बोर्डका अध्यक्ष हमाललाई माग पत्र बुझाएका थिए । त्यसपछि दिनहुँ आन्दोलन गर्दै आएका छन् ।
बोर्डले माग पुरा नगरेको भन्दै पुँजी बजार सुधार समितिका संयोजक तिलक कोइराला अनसनमा छन् । उनी अनसनमा बसेको आज ८ दिन भइसकेको छ ।