गत आर्थिक वर्षको असार मसान्तसम्ममा फाइनान्सले ९ करोड १९ लाख रुपैयाँ खुद नाफा कमाएको छ । यो अघिल्लो आर्थिक वर्षको सोही अवधिको तुलनामा १९.६६ प्रतिशतले कम हो ।
अघिल्लो आर्थिक वर्षको यहि अवधिमा कम्पनीले ११ करोड ४४ लाख रुपैयाँ खुद नाफा कमाएको थियो ।
यस अवधिमा फाइनान्सको सञ्चालन मुनाफा घटेपछि खुद नाफामा समेत असर पुगेको हो ।
गत आर्थिक वर्षको असार मसान्तसम्ममा फाइनान्को खुद ब्याज आम्दानी ०.०९ प्रतिशत र सञ्चालन मुनाफा २२.०७ प्रतिशतले घटेको छ ।
चुक्ता पूँजी ९५ करोड ८६ लाख रुपैयाँ रहेको फाइनान्सको जगेडा कोषमा ३७ करोड २९ लाख रुपैयाँ सञ्चित रहेको छ ।
यस अवधिमा फाइनान्सले ६ अर्ब ४० करोड निक्षेप संकलन गरी ५ अर्ब ९ करोड रुपैयाँ कर्जा परिचालन गरेको छ ।
यस्तै फाइनान्सको प्रतिशेयर आम्दानी ९ रुपैयाँ ५९ पैसा, प्रतिशेयर नेटवर्थ १३८ रुपैयाँ ९० पैसा र मूल्य आम्दानी अनुपात ३१.१७ गुणा रहेको छ ।