शुभ लक्ष्मी कोषको इकाईका लागि आवेदन दिने मिति लम्बियो

Aug 09, 2022 07:58 AM Merolagani

लक्ष्मी क्यापिटलले साउन १९ गतेदेखि निष्काशन तथा बिक्री खुला गरेको खुलामुखी म्युचुअल फण्डमा आवेदन दिने मिति लम्बिएको छ। 

क्यापिटलले निष्काशनमा ल्याएको लक्ष्मी म्युचुअल फण्ड अन्तर्गत सञ्चालन हुने शुभ लक्ष्मी कोषको इकाईका लागि अब भदौ २ गतेसम्म आवेदन दिन सकिने भएको छ।

सो योजना अन्तर्गत क्यापिटलले प्रतिइकाई १० रुपैयाँ दरको ५ करोड इकाईमध्ये न्यूनतम ७५ लाख वा कुल बिक्री भएको इकाई संख्याको न्यूनतम १५ प्रतिशत इकाई कोष प्रबद्र्धक लक्ष्मी बैंकलाई सुरक्षित गरि ४ करोड २५ लाख इकाई निष्काशन गरेको हो। सोमध्ये पहिलो चरणमा सर्वसाधारणका लागि १ करोड ७५ लाख इकाई निष्काशन गरेको हो।

लगानीकर्ताले न्यूनतम १०० इकाईका लागि आवेदन दिनुपर्नेछ भने अधिकतम ५० लाख इकाईका लागि आवेदन दिन सकिनेछ।

सो कोषको इकाईका लागि नेपाल धितोपत्र बोर्डबाट स्वीकृती प्राप्त गरेका सम्पूर्ण सि–आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट आवेदन दिन सकिनेछ। यो फण्डको धितोपत्र निष्काशन तथा बिक्री प्रबन्धक लक्ष्मी क्यापिटल मार्केट लिमिटेड रहेको छ।

comments powered by Disqus

१८ प्रतिशतसम्म ब्याज पुग्छ भनिरहेका बेला ‘लोन’ लिएर लगानी गर्नु डुब्नु हो, ब्याजदरमा राष्ट्र बैंकले हस्तक्षेप गर्नुपर्छः रौनियारको बिचार

Sep 19, 2022 06:01 PM

छोटेलाल रौनियार
ब्याजदरका बिषयमा बैंकहरुबीच ६ महिनादेखिको भद्र सहमति तोडिएको छ । बैंकहरुले कम्तिमा पनि ८ महिनासम्म भद्र सहमति तोडदैनौं भन्ने कुरा आइरहेको थियो । नेपाल बैंकर्स संघका अध्यक्ष अनिलकुमार उपाध्यायले कहीँ कहीँ यो कुरा भन्नु भएको थियो ।