फ्यूचरस्टीक डिजाइनको कारण यसले विद्युतीय कार बजारमा नयाँ मानक स्थापित गरेको छ । आकर्षक फिचर र बोल्ड लुक्स नै यो गाडीको मुख्य बिशेषता हो । हाल नेपालमा लक्ष्मी समुहले हुन्डाइका गाडी बिक्री वितरण गर्दै आएको छ ।
के के छन् बिशेषता ?
हुन्डाइ आयोनिक ५ को मुख्य बिशेषता नै बोल्ड डिजाइन र सिस्टम हो । पर्फमेन्स, इफिसियन्सीर कम्फर्टका लागि यसमा सबै प्रविधिको प्रयोग गरिएको छ ।
रियर ह्विल ड्राइभ, सोलार एन्ड भिजन रुफ, भेइकल टु लोड (भीटुएल) फिचर, एम्बिएन्ट मुड लाइट, पावर टेलगेट, रेन सेन्सिङ वाइपर, ब्लाइन्ड स्पट भ्यु मोनिटर र भ्वाइस रिकग्निसन भेइकल कन्ट्रोल जस्ता फिचरले आयोनिक ५ लाई थप उत्कृष्ट बनाएको छ ।
ग्लोबल मोडुलर प्लेटफर्म (ई–जीएमपी) मा बनाइएको इलेक्ट्रिक भएको कारण पनि हुन्डाई आयोनिक ५ इलेक्ट्रिकमा ५८ र ७२.६ किलोवाट आवरका दुई ब्याट्री प्याक अप्सनमा उपलब्ध गराएको छ ।
अल ह्विल र रियर ह्विल ड्राइभमा समेत दिइएको यो गाडीले रियर ह्विल ड्राइभ र ७२.६ किलोवाट आवर भर्सनले सिंगल चार्जमा ४८१ किलोमिटर रेन्ज दिने कम्पनीको दाबी छ । दुई ओर्ट ब्याट्री प्याक अप्सनलाई १८ मिनेटमै १० देखि ८० प्रतिशतसम्म चार्ज गर्न सकिने कम्पनीको दाबी छ ।
यो गाडी एकपटक चार्ज गरेपछि तीन सय ११ किलो मिटरसम्मको यात्रा तय गर्न सक्छ । आयोनिक ५ को भित्रि पार्ट पनि आकर्षक बनाइएको छ । लग्जरी सिट, दुई ड्राइभिङ मोड, लाइटिङ सिस्टम, एलइडि डिस्प्ले, ७ ओटा साइड स्पिकरलगायतका फिचर यो गाडीमा उपलब्ध छ ।
मूल्य
नेपाली बजारमा हुन्डाइ आयोनिक आउँदा ९० लाख हाराहारीमा मुख्य तोकिएको थियो । तर, सरकारले विद्युतीय गाडीमा लाग्दै आएको कर बढाएपछि यो गाडीको मुल्य पनि बढेको छ ।
जसमा हाल कम्पनीले हुन्डाइ आयोनिकको मुल्य एक करोड १६ लाख तोकिएको छ । हाल नेपालमा एमडी, हुन्डाई, टाटा, बिवाईडी, निसानका विद्युतीय गाडी लोकप्रिय छन ।
प्रिमियम इलेक्ट्रिक गाडी सेग्मेन्टमा आयोनिकले बिवाईडी एटो थ्रिसँग प्रतिस्पर्धा गर्ने जनाइएको छ ।