कम्पनीले सो अवधिसम्ममा १ करोड ९२ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ४१.७३ प्रतिशत कम हो। गत आर्थिक वर्षको सोही अवधिसम्ममा कम्पनीले ३ करोड ३० लाख रुपैयाँ खुद नाफा कमाएको थियो।
विद्युत बिक्री आम्दानी घटेसँगै कम्पनीको खुद नाफा घट्न पुगेको हो।
समीक्षा अवधिमा कम्पनीको विद्युत बिक्री आम्दानी १३.९५ प्रतिशत घटेको छ। मेशिन बिग्रिएको र नेपाल विद्युत प्राधिकरणले उत्पादनमा लगाएको प्रतिबन्धका कारण कम्पनीको विद्युत बिक्री आम्दानी घटेको वित्तीय विवरणमा उल्लेख छ।
नाफासँगै कम्पनीको प्रतिशेयर आम्दानी ६ रुपैयाँ ८९ पैसा घटेर ९ रुपैयाँ ६२ पैसामा झरेको छ। असोज मसान्तसम्ममा कम्पनीको मूल्य आम्दानी अनुपात १७.६७ गुणा रहेको छ भने प्रतिशेयर नेटवर्थ ७२ रुपैयाँ ५७ पैसा रहेको छ।
सो अवधिसम्ममा कम्पनीको चुक्ता पूँजी ८० करोड रहेको छ भने अन्य इक्विटी २१ करोड ९४ लाख रुपैयाँ ऋणात्मक रहेको छ।
