चालु आर्थिक वर्षको असोज मसान्तसम्ममा कम्पनीले २ करोड ५ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा १८.४७ प्रतिशत बढी हो। गत आर्थिक वर्षको सोही अवधिसम्ममा कम्पनीले १ करोड ७३ लाख रुपैयाँ खुद नाफा कमाएको थियो।
कम्पनीको विद्युत बिक्री आम्दानी घटेसँगै कर रकम पनि घटेका कारण कम्पनीको नाफामा सुधार देखिएको हो। समीक्षा अवधिमा कम्पनीको विद्युत बिक्री आम्दानी २.४५ प्रतिशत घटेको छ।
जलविद्युतको व्यापारिक उत्पादन सुरु गरेका मितिल पहिलो सात वर्षसम्म पुरै आयकर छुट पाउने र त्यसपछिको तीन वर्षसम्म ५० प्रतिशत आयकर छुट पाउने व्यवस्था रहको छ। कम्पनीले व्यापारिक उत्पादन सुरु गरेको ७ वर्ष पुरा भइसकेको छ। २०७८ असारबाट तीन वर्षसम्म ५० प्रतिशत आयकर छुट पाउने व्यवस्था अनुसार कम्पनीको विद्युत बिक्री आम्दानीमा सोही अनुसारको आयकर तिरिएकाले यसको असर आयमा परेको वित्तीय विवरणमा उल्लेख छ।
नाफा बढेसँगै कम्पनीको प्रतिशेयर आम्दानी पनि बढेको छ। समीक्षा अवधिमा कम्पनीको यस्तो आम्दानी १ रुपैयाँ ९८ पैसा बढेर १२ रुपैयाँ ७३ पैसा पुगेको छ। असोज मसान्तसम्ममा कम्पनीको प्रतिशेयर नेटवर्थ १२८ रुपैयाँ २१ पैसा रहेको छ भने मूल्य आम्दानी अनुपात १६.९ गुणा रहेको छ।
६४ करोड ६४ लाख रुपैयाँ चुक्ता पूँजी रहेको यस कम्पनीको अन्य इक्विटी १८ करोड २६ लाख रुपैयाँ रहेको छ।
