जीवन बीमा कम्पनीहरुका बीमितहरुले साउनमा १ अर्ब १५ करोड २७ लाख रुपैयाँ बराबरको ८ हजार ४२२ वटा, भदौमा १ अर्ब १४ करोड ८६ लाख रुपैयाँ बराबरको ८ हजार ५२ वटा, असोजमा ७७ करोड ३२ लाख रुपैयाँ बराबरको ६ हजार ६३ वटा बीमालेख, कात्तिकमा १ अर्ब ११ करोड ९७ लाख रुपैयाँ बराबरको ६ हार ७४६ वटा बीमालेखहरु त्याग गरेका थिए ।
यस्तै मंसिरमा १ अर्ब १ करोड ६२ लाख रुपैयाँ बराबरको ७ हजार ६५० वटा बीमालेख र पुसमा ८७ करोड ४३ लाख रुपैयाँ बराबरको ६ हजार ७८२ बीमालेखहरु बीमितले त्याग गरेका छन् ।
पुसमा मात्रै करिब साढे ८७ करोडको पोलिसी त्याग, कुन कम्पनीको कति?
चालु आर्थिक वर्षको पुस महिनामा मात्रै बीमितहरुले जीवन बीमा कम्पनीहरुका ८७ करोड ४३ लाख रुपैयाँ बराबरको ६ हजार ७८२ वटा बीमालेखहरु त्याग गरेका छन् ।
सबैभन्दा धेरै पोलिसी त्याग्नेमा नेपाल लाइफ इन्स्योरेन्सका बीमितहरु रहेको छन् । पुस महिनामा कुल सरेन्डर भएको बीमा पोलिसी मध्ये ४१.८० प्रतिशत अर्थात २ हजार ८३५ वटा बीमालेख वापत ४३ करोड ९७ लाख ७९ हजार रुपैयाँ बराबरको पोलीसी सरेन्डर भएको हो ।
नेपाल लाइफपछि राष्ट्रिय बीमा संस्थानको धेरै बीमालेखहरु सरेन्डर भएका छन् । संस्थानको ७ करोड ७३ लाख रुपैयाँ बराबरको १ हजार ४५ वटा बीमालेखहरु सरेण्डर भएका छन् । यो कुल सरेण्डर पोलिसीको १५.४१ प्रतिशत हो ।
यस्तै, बीमितहरुले नेशनल लाइफको ७०२ वटा, एशियन लाइफको ४९८ वटा, प्राइम लाइफको ३७० वटा, मेट लाइफको ३२७ वटा, गुराँस लाइफको २४६ वटा बीमालेखहरु सरेन्डर भएका छन् ।
सबै भन्दा कम पोलिसी सरेन्डर हुनेमा सन नेपाल लाइफ इन्स्योरेन्स रहेको छ । यस अवधिमा सन नेपाल लाइफको १० लाख ८४ हजार रुपैयाँ बराबरको १० वटा पोलिसीहरु मात्रै सरेन्डर भएका छन् ।
