चालु आर्थिक वर्षको पुस मसान्तसम्ममा लघुवित्तले ३१ लाख ७२ हजार रुपैयाँ खुद नोक्सानी व्यहोरेको छ। गत आर्थिक वर्षको सोही अवधिसम्ममा कम्पनीले २ करोड ५८ लाख रुपैयाँ नाफा कमाएको थियो।
खुद ब्याज आम्दानी घटेको र निष्क्रिय कर्जा उल्लेख्य बढेका कारण लघुवित्तले नोक्सानी व्यहोर्नु परेको हो।
समीक्षा अवधिमा लघुवित्तको खुद ब्याज आम्दानी २९.८१ प्रतिशत घटेको छ भने अन्य सञ्चालन आम्दानी ३९.३९ प्रतिशत घटेको छ। त्यसैगरी, लघुवित्तको कुल सञ्चालन आम्दानी ३१.८६ प्रतिशत घटेको छ भने सञ्चालन मुनाफा १७५.२० प्रतिशत घटेको छ।
समीक्षा अवधिमा लघुवित्तको निष्क्रिय कर्जा ४.७ प्रतिशतबाट बढेर ९.०४ प्रतिशत पुगेको छ। यससँगै लघुवित्तले सम्भावित जोखिम बापतको व्यवस्थामा ३ करोड ३५ लाख रुपैयाँ छुट्याएको छ। जसका कारण सञ्चालन मुनाफा १७५ प्रतिशत घट्न पुगेको हो।
नाफासँगै लघुवित्तको प्रतिशेयर आम्दानी पनि घटेको छ। समीक्षा अवधिमा लघुवित्तको यस्तो आम्दानी ४३ रुपैयाँ ९१ पैसा घटेर ४ रुपैयाँ ८१ पैसा ऋणात्मक भएको छ। पुस मसान्तसम्ममा लघुवित्तको प्रतिशेयर नेटवर्थ १६५ रुपैयाँ ९१ पैसा रहेको छ।
१ करोड ३२ लाख रुपैयाँ चुक्ता पूँजी रहेको यस लघुवित्तको जगेडा कोषमा ८ करोड ६९ लाख रुपैयाँ सञ्चित छ। पछिल्लो ६ महिनामा लघुवित्तको निक्षेप १३.४४ प्रतिशत, सापटी ३ प्रतिशत बढेको छ भने कर्जा २.६८ प्रतिशत बढेको छ।
