काठमाडौं लगायत देशका केहि भागमा वर्षा, आइतबारसम्म लम्बिने सम्भावना

Mar 17, 2023 05:15 PM Merolagani

काठमाडौं उपत्यकामा यतिबेला वर्षा भइरहेको छ । काठमाडौं मात्र नभएर देशका अधिकांश भूभागमा वर्षा भइरहेको छ । शुक्रबार बेलुकादेखि परेको पानी आइतबारसम्म लम्बिने जल तथा पुर्वानुमान महाशाखाले जनाएको छ ।

महाशाखाका अनुसार हाल देशमा स्थानीय वायु संगै पश्चिमी वायुको सामान्य प्रभाव रहेको छ। हाल देशभर आंशिकदेखि सामान्य बदली रही कोशी प्रदेश, मधेश प्रदेश, बागमती प्रदेश र लुम्बिनी प्रदेशका थोरै स्थानहरुमा मेघ गर्जन चट्याङ सहित हल्का वर्षा भईरहेको छ।

देशको पहाडी भू-भागका केही स्थानहरू तथा तराई भू-भागका थोरै स्थानहरुमा मेघ गर्जन र चट्याङ्ग तथा हावाहुरी सहित क्षणिक र हल्कादेखि मध्यम वर्षाको सम्भावना रहेको हुनाले क्षति हुन नदिन आवश्यक तयारी गरी सतर्कता अपनाउन महाशाखाले अनुरोध गरेको छ ।

आगामी दुई दिन पनि देशभर आंशिकदेखी सामान्य बदली रहने छ। देशको पहाडी भागका केही स्थानहरू तथा तराई भागका थोरै स्थानमा मेघ गर्जन र चट्याङ्ग सहित क्षणिक र हल्कादेखि मध्यम वर्षाको सम्भावना रहेको पनि महाशाखाले जनाएकाे छ।

comments powered by Disqus

राष्ट्र बैंक र एनआरएनलाई एक साता भित्र घर खाली गरिदिन बालेनको उर्दी, नमाने डोजर चलाउने

Feb 21, 2024 05:17 PM

काठमाडौं महानगरपालिकाले ललिता निवास क्षेत्रमा रहेका व्यक्ति, कम्पनी तथा संघ संस्थाहरूलाई सात दिन भित्र भौतिक रुपमा सो क्षेत्रबाट हट्न बुधबार सूचना जारी गरेको छ ।