शेयर लगानीकर्ताले पूर्व प्रधानमन्त्री तथा कांग्रेसका सभापति देउवालाई भेटे, पुँजीगत लाभकर परिमार्जन गर्न जोड

May 25, 2023 01:50 PM Merolagani

पूँजी बजारका लगानीकर्ताका प्रतिनिधिहरुले पूर्व प्रधानमन्त्री तथा नेपाली कांग्रेसका सभापति शेरबहादुर देउवासँग भेट गरेका छन् । बिहीबार देउवासँगको भेटमा लगानीकर्ताहरुले पुँजी बजार सुधारका लागि ६ बुँदे माग बुझाएका हुन ।

नेपाल इन्भेष्टर्स फोरम, नेपाल पुँजी बजार लगानीकर्ता संघ र लगानीकर्ता संघ नेपालका प्रतिनिधिहरुले कांग्रेसका सभापति देउवालाई भेट गरेका हुन् ।

लगानीकार्ताहरुले खुला रुपमा नयाँ ब्रोकर लाइसेन्स, नयाँ स्टक र कमोडिटी एक्सचेन्जको लाइसेन्स वितरण प्रक्रिया बिना ढिलासुस्ती कार्यान्वयन गर्न माग गरेका छन् । नेपाल राष्ट्र बैंकले मौद्रीक नीति मार्फत धितो कर्जामा लगाएको १२ करोड रुपैयाँको सीमा खारेज गर्नुपर्ने र १५० प्रतिशत पुर्याइएको जोखिम भारित औसतलाई पुनः १०० प्रतिशत कायम गर्नुपर्ने लगानीकर्ताहरुको जोड छ । 

यसैगरी लगानीकर्ताहरुले शेयर बजार सम्बन्धी पुँजीगत लाभकर परिमार्जन गर्न जोड दिएका छन् । अल्पकालीन लगानीकर्तालाई ५ प्रतिशत र दीर्घकालीन लगानीकर्तालाई ३ प्रतिशत मात्र पुँजीगत लाभकर व्यवस्था गर्न पनि उनीहरुले आग्रह गरेका छन् ।

बैंक ब्याजदरलाई पुनरावलोकन गरी एकल अंकमा कायम गरिदिन र तरलता समस्याको समाधान गर्ने व्यवस्था मिलाउनु पनि लगानीकर्ताहरुले देउवाको ध्यान आकर्षण गरेका छन् ।

comments powered by Disqus

कुन माइक्रोफाइनान्स कुन ब्रोकरको टप होल्डिङमा ? सूचीसहित

Jul 10, 2024 05:58 AM

मंगलबार शेयर बजार १५ दशमलब ७९ अंकले बढेर २१५२.१४ विन्दुमा पुगेको छ । मंगलबारको बजारमा धेरै समयपछि लघुवित्त समूहमा उछाल देखिएको छ भने त्यसलाई विकास बैंक समूहले साथ दिएको छ । समग्र नेप्से परिसूचक शून्य दशमलब ५३ प्रतिशतले बढ्दा मंगलबारको बजारमा लघुवित्त समूह सबैभन्दा बढी ३.०६ प्रतिशत र दोस्रोमा विकास बैंक समूह २.४९ प्रतिशतले बढेको छ ।