नेपाल इन्भेष्टर्स फोरम, नेपाल पुँजी बजार लगानीकर्ता संघ र लगानीकर्ता संघ नेपालका प्रतिनिधिहरुले कांग्रेसका सभापति देउवालाई भेट गरेका हुन् ।
लगानीकार्ताहरुले खुला रुपमा नयाँ ब्रोकर लाइसेन्स, नयाँ स्टक र कमोडिटी एक्सचेन्जको लाइसेन्स वितरण प्रक्रिया बिना ढिलासुस्ती कार्यान्वयन गर्न माग गरेका छन् । नेपाल राष्ट्र बैंकले मौद्रीक नीति मार्फत धितो कर्जामा लगाएको १२ करोड रुपैयाँको सीमा खारेज गर्नुपर्ने र १५० प्रतिशत पुर्याइएको जोखिम भारित औसतलाई पुनः १०० प्रतिशत कायम गर्नुपर्ने लगानीकर्ताहरुको जोड छ ।
यसैगरी लगानीकर्ताहरुले शेयर बजार सम्बन्धी पुँजीगत लाभकर परिमार्जन गर्न जोड दिएका छन् । अल्पकालीन लगानीकर्तालाई ५ प्रतिशत र दीर्घकालीन लगानीकर्तालाई ३ प्रतिशत मात्र पुँजीगत लाभकर व्यवस्था गर्न पनि उनीहरुले आग्रह गरेका छन् ।
बैंक ब्याजदरलाई पुनरावलोकन गरी एकल अंकमा कायम गरिदिन र तरलता समस्याको समाधान गर्ने व्यवस्था मिलाउनु पनि लगानीकर्ताहरुले देउवाको ध्यान आकर्षण गरेका छन् ।
