लगानीकर्ताले तिरेको ५ र साढे ७ प्रतिशत नै अन्तिम कर हो : महानिर्देशक मैनाली

May 31, 2023 07:09 PM MeroLagani

आन्तरिक राजस्व विभागका महानिर्देशक दीर्घराज मैनालीले हाल लगानीकर्ताले शेयर काराेबारमा तिरिरहेको अल्पकालमा साढे ७ प्रतिशत र दीर्घकालमा ५ प्रतिशत कर नै अन्तिम कर भएको बताएका छन् । नेपाल इन्भेष्टर फोरमका पदाधिकारसँगको भेटमा महानिर्देशक मैनालीले लगानीकर्ताले अहिले तिरेको अल्पकालीन र दीर्घकालीन लाभ कर नै अन्तिम कर भएको बताएको फोरमका अध्यक्ष तुलसीराम ढकालले मैनालीसँगको भनाई उदघृत गर्दै बताए ।

लगानीकर्ताहरुले शेयर कारोबारको लाभमा कर तिरे पनि पछि फेरि आय कर ऐनको स्लाब अनुसार कर तिर्नुपर्ने आँकलनका कारण बजार घटेको जानकारी गराएका थिए । बजेट लगत्तै भएको २ कारोबार दिनमा शेयर बजार झन्डै १ सय अंकले घटिसकेको छ । लगानीकर्ताले शेयर बजारबाट गरेको आम्दानीमा पुनः आयकर ऐन अनुसार अधिकतम ३९ प्रतिशतसम्म कर तिर्नुपर्ने बुझाइसँगै शेयर बजार घटेको थियो ।

लगानीकर्ताको कुरा ध्यानपूर्वक सुनेपछि महानिर्देशक मैनालीले पटक पटक दोहोर्याएर लगानीकर्ताको बुझाई गलत भएको बताएका थिए । ‘तपाइहरु नाफामा मात्र कर तिर्ने होइन घाटा पनि बुक गर्नुस् भन्नुभयो । त्यसबीचमा व्याज लगायतका कुनै खर्च भएको छ भने त्यो खर्च पनि लेख्नुहोस्। । तपाईहरुले अहिलेसम्म गलत बुझ्नुभएको छ भन्नुभयो’–महानिर्देशक मैनालीको भनाई सापटी लिंदै फोरामका अध्यक्ष ढकालले बताए । ३ वर्ष अगाडि देखि कर तिर्नुपर्ने प्रसंग बजेटमा आएको सवालमा भने कुनै कर छुट भएको भए मात्रै कर तिर्न आग्रह गरिएको उनले अगाडि बताए ।

आयकर ऐन २०५८ उल्लेख गरेर व्यक्तिलाई पनि कर तिर्न उर्दी जारी गरेको प्रसंगमा भने शेयर कारोबारबाट आर्जित सम्पत्तिको अन्तिम कर नै अल्पकालको लागि साढे ७ प्रतिशत र दीर्घकालको लागि ५ प्रतिशत हो भनेर समेत स्पष्ट पारेको उनले बताए । लगानीकर्ताको दुविधा नै अहिले तिरेको लाभकर अन्तिम हो वा होइन भएको स्मरण गराउँदा पनि मैनालीले अन्तिम कर नै भएको पटक पटक दोहोर्याएर भनेको मेरो लगानीलाई फोरमका अध्यक्ष ढकालले भने । लगानीकर्ताले पुँजीगत लाभ कर बापत् तिरेको कर नै अन्तिम कर भएको लिखित रुपमा दिन आग्रह गर्दा भने महानिर्देशक मैनालीले सरोकारवाला मन्त्रालयसँगको समन्वयमा सार्वजनिक रुपमा जानकारी गराइने बताएका थिए ।

comments powered by Disqus

नयाँ ब्रोकर कमिशन आजदेखि लागू हुने

May 14, 2024 09:07 AM

जेठ १ गते (आज) देखि नयाँ ब्रोकर कमिसन दर लागू हुँदैछ। नेपाल धितोपत्र बोर्डले धितोपत्र व्यवसायी (धितोपत्र दलाल तथा धितोपत्र व्यापारी) नियमावली, २०६४ को अनुसूची १४ मा गरेको हेरफेर अनुसार आजदेखि नयाँ ब्रोकर कमिशन लागू हुने भएको हो।