प्रतिरोध क्षेत्र नजिक लाइफ इन्स्योरेन्स कर्पोरेशन (नेपाल), हेरौँ कम्पनी विश्लेषण

Nov 25, 2023 06:38 PM Merolagani

यस साता १३ मध्ये ९ उपसमूहको परिसूचक बढेको थियो भने ४ उपसमूहको परिसूचक घटेको थियो। बढेका उपसमूहमध्ये यस साता जीवन बीमा उपसमूहको परिसूचक सर्वाधिक ४.३३ प्रतिशत बढेको छ।

गत साता ९७००.१८ विन्दुमा रहेको यस उपसमूहको परिसूचक यस साता ४१९.५८ अंक बढेर १०,११९.७६ विन्दुमा पुगेको छ।

सोही उपसमूहमध्येका कम्पनीहरुमध्ये एक हो लाइफ इन्स्योरेन्स कर्पोरेशन (नेपाल) (LICN)।

 

यस साता इन्स्योरेन्सको शेयरमूल्य ४० रुपैयाँ बढेको छ। गत साताको बिहीबार १ हजार ३१५ रुपैयाँमा अन्तिम कारोबार भएको यस इन्स्योरेन्सको शेयर, यस साता १ हजार ३५५ रुपैयाँमा अन्तिम कारोबार भएको छ।

प्रतिरोध क्षेत्र नजिक

यस साता इन्स्योरेन्सको शेयरमूल्य बढेर प्रतिरोध क्षेत्र नजिक पुगेको छ। आगामी दिनमा इन्स्योरेन्सको शेयरमूल्य उकालो लागेमा १ हजार ३७० देखि १ हजार ३९० को क्षेत्रमा प्रतिरोधको सामना गर्ने देखिन्छ। त्यसैगरी, आगामी साता इन्स्योरेन्सको शेयरमूल्य ओरालो लागेमा भने १ हजार २४५ देखि १ हजार २७५ को क्षेत्रमा टेवा पाउने देखिन्छ।

खरिदकर्ता हाबी

यस साता साप्ताहिक रुपमा इन्स्योरेन्सको शेयरमूल्यले बुलिश मैनबत्ती बनाएको छ। त्यसैगरी, साताको अन्तिम कारोबार दिन पनि इन्स्योरेन्सको शेयरमूल्यले हरियो मैनबत्ती बनाएको छ। यसले सो साता र सो दिन इन्स्योरेन्सको शेयरमा खरिदकर्ता हाबी रहेको संकेत गर्दछ।

कमजोर भोल्यूम

शेयरमूल्य बढेपनि यस साता इन्स्योरेन्सको भोल्यूम भने कमजोर देखिएको छ। यस साता इन्स्योरेन्सको दैनिक औषतमा १ हजार १७३ कित्ता शेयर कारोबार भएको छ। साताको अन्तिम कारोबार दिन इन्स्योरेन्सको २० दिने औषत भोल्यूम १ हजार ९२९ कित्ता रहेको छ। २० दिने औषत भोल्यूमको तुलनामा इन्स्योरेन्सको दैनिक औषत भोल्यूम ३९.१९ प्रतिशत कम हो।

बुलिश प्रवृत्ति

यस साता इन्स्योरेन्सको एमएसिडी रेखा सिग्नल रेखाभन्दा माथि रहेको छ। त्यसैगरी, इन्स्योरेन्सको हिस्टोग्राम पनि शून्य रेखाभन्दा माथि रहेको छ। यसले इन्स्योरेन्सको शेयर अहिले बुलिश प्रवृत्तिमा रहेको संकेत गर्दछ।

खरिदबिक्री चाप सन्तुलनमा

यस साता स्टकास्टिक आरएसआईमा इन्स्योरेन्स न्यूट्रल जोनमा रहेको छ। यसले बजारमा इन्स्योरेन्सको शेयर खरिदबिक्री चाप सन्तुलनमा रहेको संकेत गर्दछ।

वित्तीय अवस्था

चालु आर्थिक वर्षको पहिलो त्रैमाससम्ममा इन्स्योरेन्सले ५ करोड ९७ लाख रुपैयाँ खुद नाफा आर्जन गरेको छ। गत आर्थिक वर्षको सोही अवधिसम्ममा इन्स्योरेन्सको यस्तो नाफा ३ करोड १६ लाख रुपैयाँ थियो।

लगानी तथा कर्जा आम्दानी र ब्याज आम्दानी बढेसँगै इन्स्योरेन्सको नाफा बढ्न पुगेको हो।

समीक्षा अवधिमा इन्स्योरेन्सको लगानी तथा कर्जा आम्दानी १ अर्ब ९२ करोड रुपैयाँबाट बढेर २ अर्ब २८ करोड रुपैयाँ पुगेको छ भने ब्याज आम्दानी ४८ करोड २८ लाख रुपैयाँबाट बढेर ५३ करोड १८ लाख रुपैयाँ पुगेको छ। समीक्षा अवधिमा इन्स्योरेन्सको खुद बीमाशुल्क भने ४ अर्ब ४९ करोड ५६ लाख रुपैयाँबाट घटेर ४ अर्ब ४९ करोड १० लाख रुपैयाँमा सीमित भएको छ।

चुक्ता पूँजी २ अर्ब ६५ करोड ३२ लाख रुपैयाँ रहेको कम्पनीको रिटेन्ड अर्निङ्ग२ अर्ब ६० लाख रुपैयाँ रहेको छ भने महाविपत्ती कोषमा ५१ करोड ४८ लाख रुपैयाँ सञ्चित छ।

नाफासँगै इन्स्योरेन्सको प्रतिशेयर आम्दानी पनि बढेको छ। समीक्षा अवधिमा इन्स्योरेन्सको यस्तो आम्दानी ४ रुपैयाँ ७८ पैसाबाट बढेर ९ रुपैयाँ १ पैसा पुगेको छ।

आधारभूत विश्लेषण

हाल नेप्सेमा इन्स्योरेन्सको २ करोड ६५ लाख ३२ हजार कित्ता शेयर सूचीकृत छ। इन्स्योरेन्सको १८० दिने औषत मूल्य १ हजार ४४५ रुपैयाँ ८६ पैसा रहेको छ। त्यसैगरी, इन्स्योरेन्सको ५२ हप्ताको उच्च मूल्य १ हजार ८०० रुपैयाँ रहेको छ भने न्यून मूल्य १ हजार २३८ रुपैयाँ रहेको छ। साताको अन्तिम कारोबार दिनको मूल्य अनुसार इन्स्योरेन्सको कुल बजार पूँजीकरण ३५ अर्ब ९५ करोड ८ लाख ६० हजार रुपैयाँ रहेको छ।

ब्रोकर नम्बर १० बाट सर्वाधिक खरिद

यस साता ब्रोकर नम्बर १० ले इन्स्योरेन्सको सबैभन्दा बढी ७०० कित्ता शेयर खरिद गरेको छ। त्यसैगरी, ब्रोकर नम्बर ६६ ले ५०० कित्ता र ५४ ले ४८५ कित्ता शेयर खरिद गरेको छ। इन्स्योरेन्सको शेयर सर्वाधिक बिक्री गर्नेमा भने ब्रोकर नम्बर ३५ रहेको छ। सो ब्रोकरले यस साता इन्स्योरेन्सको ७२६ कित्ता शेयर बिक्री गरेको छ।

मूल्य घट्ने डर

फियर एण्ड ग्रीड मिटरमा इन्स्योरेन्स अहिले फियर जोनमा रहेको छ। यसले लगानीकर्ताहरु इन्स्योरेन्सको शेयरमूल्य घट्छ भन्ने डरमा रहेको संकेत गर्दछ।

(प्राविधिक विश्लेषणमा प्रयोग गरिएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग गरिएका चित्रहरु मेरोलगानी डाटा एनालाइटिक्सबाट लिइएको हो।)

(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि आफैले थप अध्ययन तथा विश्लेषण गर्नु आवश्यक छ।)

comments powered by Disqus

सर्वोत्तम सिमेन्टको आईपीओ १० लाख भन्दा धेरैले भरे, साढे ९ लाख बढीले शेयर नपाउने

Feb 28, 2024 05:21 PM

सर्वोत्तम सिमेन्ट लिमिटेड(SCML)को आईपीओ भर्ने साढे ९ लाख भन्दा धेरैकाे हात खाली हुने भएकाे छ ।  कम्पनीकाे आईपीओका लागि अन्तिम दिनसम्ममा मागभन्दा १९.३२ गुणा बढी आवेदन परेको छ।