चालु आर्थिक वर्षको पहिलो ६ महिनासम्ममा कम्पनीले विद्युत बिक्री मार्फत १९ करोड ५८ लाख रुपैयाँ आम्दानी गरेको छ। यो गत आर्थिक वर्षको सोही अवधिको तुलनामा १.३० प्रतिशत बढी हो। गत आर्थिक वर्षको पुस मसान्तसम्ममा कम्पनीले १९ करोड ३३ लाख रुपैयाँ आम्दानी गरेको थियो।
विद्युत बिक्री आम्दानीसँगै कम्पनीको खुद नाफा पनि सामान्य बढेको छ। समीक्षा अवधिमा कम्पनीको खुद नाफा ०.२७ प्रतिशत बढेर ६ करोड २९ लाख रुपैयाँ पुगेको छ। समीक्षा अवधिमा कम्पनीको कुल सञ्चालन खर्च ५.७३ प्रतिशत घटेको छ भने कुल आम्दानी १.२३ प्रतिशत बढेको छ। त्यस्तै, कम्पनीको कुल गैर सञ्चालन खर्च ३.०५ प्रतिशत बढेको छ।
कम्पनीको प्रतिशेयर आम्दानी समीक्षा अवधिमा ४ पैसा बढेर १४ रुपैयाँ ८२ पैसा पुगेको छ। दोस्रो त्रैमासको अन्त्यसम्ममा कम्पनीको प्रतिशेयर नेटवर्थ १०९ रुपैयाँ ८३ पैसा रहेको छ भने मूल्य आम्दानी अनुपात ३४.४२ गुणा रहेको छ।
८५ करोड रुपैयाँ चुक्ता पूँजी रहेको यस कम्पनीको जगेडा कोषमा ८ करोड ३५ लाख रुपैयाँ सञ्चित छ।
