चालु आर्थिक वर्षको पुस मसान्तसम्ममा कम्पनीले ६ करोड ४७ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा १६.०१ प्रतिशत बढी हो। गत आर्थिक वर्षको सोही अवधिसम्ममा कम्पनीले ५ करोड ५८ लाख रुपैयाँ नाफा कमाएको थियो।
आम्दानी सामान्य घटेपनि खर्च घटेका कारण कम्पनीको खुद नाफा बढ्न पुगेको हो।
समीक्षा अवधिमा कम्पनीको विद्युत बिक्री आम्दानी ०.०८ प्रतिशत घटेको छ भने कुल नाफा ३.१७ प्रतिशत बढेको छ। त्यसैगरी, कम्पनीको अन्य आम्दानी समीक्षा अवधिमा ९४.९५ प्रतिशत र वित्तीय खर्च ३७.३१ प्रतिशत घटेको छ।
नाफासँगै कम्पनीको प्रतिशेयर आम्दानी पनि सामान्य बढेको छ। समीक्षा अवधिमा कम्पनीको यस्तो आम्दानी ७७ पैसा बढेर १४ रुपैयाँ ८४ पैसा पुगेको छ। सो अवधिसम्ममा कम्पनीको प्रतिशेयर नेटवर्थ १०९ रुपैयाँ १५ पैसा रहेको छ भने मूल्य आम्दानी अनुपात २९.९४ गुणा रहेको छ।
८७ करोड २८ लाख रुपैयाँ चुक्ता पूँजी रहेको यस कम्पनीको रिटेन्ड अर्निङ्ग ७ करोड ५७ करोड रुपैयाँ रहेको छ।
