लाइसेन्समा घोटाला भएको भन्दै यातायात विभागका महानिर्देशक उद्धव रिजाललाई कालोमोसो

Feb 12, 2024 11:31 AM Merolagani

यातायात व्यवस्था विभागका महानिर्देशक उद्धव प्रसाद रिजालमाथि दुर्व्यवहार भएको छ । क्रान्तिकारी युवा संगठनले लाइसेन्स घोटालामा संलग्न भएको आरोप लगाउँदै उनलाई सोमबार कालोमोसो दलेर दुर्व्यवहार  गरेको हो । 

संगठनको एक समूहले उनलाई मिनभवनमा पुगेर कालोमोसो दलेको जनाइएको छ ।

केहि समय अघि नक्कली लाइसेन्स वितरण भएको भन्दै मन्त्रालयले अख्तियार दुरुपयोग अनुसन्धान आयोगलाई छानबिनका लागि सिफारिस गरेको थियो । मन्त्रालयका अनुसार एक लाख भन्दा बढी नक्कली लाइसेन्स वितरण भएको जनाएको थियो ।

यातायात विभागमा रिजालले कार्यभार सम्हालेको करिब तीन महिना मात्रै पुगेको छ ।

विभागका महानिर्देशक रिजालले आफुमाथि दुर्व्यवहार भएको बताए । ‘अफिस आउने क्रममा एक हुलले म माथि दुर्व्यवहार गरे’ उनले भने ‘याे होलीको सिजन हो, ठिकै छ । मेरो लाइसेन्स घोटालामा कुनै हात नभएपनि मलाई दुर्व्यवहार भयो।’ 

comments powered by Disqus

राष्ट्र बैंक र एनआरएनलाई एक साता भित्र घर खाली गरिदिन बालेनको उर्दी, नमाने डोजर चलाउने

Feb 21, 2024 05:17 PM

काठमाडौं महानगरपालिकाले ललिता निवास क्षेत्रमा रहेका व्यक्ति, कम्पनी तथा संघ संस्थाहरूलाई सात दिन भित्र भौतिक रुपमा सो क्षेत्रबाट हट्न बुधबार सूचना जारी गरेको छ ।