त्यहाँ झन्डै चार लाख नेपालीहरू रहेको अनुमानगरिएको छ । त्यसमध्ये ४८० जनाविभिन्न अपराधमा जेलमा रहेको र तीमध्ये ८० प्रतिशत मदिराको उत्पादन, विक्रीवितरण र सेवनमा संलग्न रहेको अपराधमा पक्राउ परेको रियादस्थित नेपाली राजदूतावासका प्रथम सचिव टोपनारायण गिरीले जानकारी दिएका छन् ।
विविसीका अनुसार सात दशकदेखि मदिरामाथि प्रतिबन्ध लगाएको साउदी अरबमा मदिरा राख्ने वा बेचबिखन गर्नेलाई जरिवाना गराउने देखि जेलमा थुन्ने र कोर्रा हान्नेसम्मको सजाय तोकिएको छ। यो सबैकुरा थाहा हुँदाहुँदै पनि छोटो समयमा धेरै पैसा कमाउने लोभमा केही नेपालीहरु रक्सी उत्पादन, ओसारपसारको धन्दामा लाग्दा जेल परेको उनले विविसीलाई बताए ।
उक्त अभियोगमा जेल परेका नेपालीहरूलाई मदिरा उत्पादन सहितको कसुरमा सजाय दिइएको र कैयौँमा सजाय सुनाउन बाँकी नै रहेको उल्लेख छ। अहिलेसम्म सजाय तोकिएकाहरु केही महिनादेखि सात वर्षसम्मको जेल सजाय पाउनेहरु समेत छन् ।
कडा प्रावधानका बीच पनि नेपालबाट घरेलु रक्सी उत्पादन गर्ने मर्चालाई पिठोसंग मिसाएर लगेर त्यहाँ पाइने अन्न गहुँ, चामल अनि खजुर पनि राखेर रक्सी उत्पादन गर्ने गरेको दूतावासका अधिकारीहरु बताउंछन् ।
नेपाली मात्र नभएर भारतीय, बाङ्गलादेशी र अन्य मुलुकका आप्रवासी कामदारहरू पनि मदिरा सेवन गरेको आरोपमा जेलहरूमा रहेको बताइन्छ।
त्यसमध्ये सबैभन्दा धेरै २२ सय जना भारतीय रहेको बताइएको छ ।
