सुचिकृत कम्पनीहरुले पाँच बर्ष अघि बितरण गरेको नगद लाभांस तथा शेयर आबेदन गर्दा बाँकी रहेको पैसा फिर्ता नलिएको भए लगानीकर्ता संरक्षण कोषमा जाने ब्यवस्था गरिएको छ ।
तत्काल त्यस्तो रकम फिर्ता नलिने लगानीकर्ताले सदाका लागि रकम गुमाउनु पर्ने भएको छ । लगानीकर्ता संरक्षण कोषमा जम्मा हुने भएबाट आम सर्बसाधारण लगानीकर्ता भने लाभांन्वित हुनेछन् ।
यस अघि कम्पनीहरुले पटक पटक सुचना प्रकाशित गरी सुचिकृत कम्पनीमा जम्मा भएको अर्बौ रुपैंया नगद लाभांस संकलन गर्न लगानीकर्तालाई आग्रह गरेका थिए । ५ वर्ष भन्दा लामो समयसम्म नगद लाभांस तथा शेयर नपरेको पैसा संकलन नभए पछि त्यसलाई पूँजी बजार सुधारको काममा प्रयोग गर्न लागिएको हो ।
कम्पनी ऐन २०६३ अनुसार भएको व्यवस्थाले लगानीकर्ता संरक्षण कोषको स्थापना, व्यवस्थापन तथा सञ्चालनको लागि कार्यविधि स्वीकृत भए पछि स्थापना गरिएको कोषमा त्यस्तो रकम जम्मा गर्न लागिएको हो । लगानीकर्ता संरक्षण कोष व्यवस्थापन तथा सञ्चालन कार्यविधि २०७३ अनुसार स्थापित कोषमा अब त्यस्तो रकम जम्मा भए पछि लगानीकर्ताले वर्षौदेखि सुचिकृत कम्पनीमा जम्मा भएको नगद लाभांस संकलन गर्न पाउने छैनन् ।
सूचना निकालेर पटक पटक ताकेता गर्दा पनि तपाईले लाभांस संकलन गर्नु भएको थिएन भने अब सम्झनुस ब्यक्तिगत रुपमा पछि पर्नुभयो तर धेरैको हित गर्ने काममा तपाइँको पनि योगदान भने हुनेछ । । यसका लागि कोषले सुचिकृत कम्पनीहरुलाई एक महिना भित्रमा सम्पुर्ण विबरण उपलब्ध गराउनका लागि परिपत्र जारी गरेको हो ।
नगद लाभांश फिर्ता लैजान बाँकी रकम बाणिज्य बैंकहरुमा मात्रै एक अर्ब ५१ करोड छ भने सबै कम्पनीको जोड्दा अझ धेरै हुनसक्छ । त्यस्तै कयौं लगानीकर्ता सेयर नपरेको पैसा फिर्ता लिन गएका छैनन् ।
सबै कम्पनीमा रहेको यस्तो रकमको जानकारी कोषले पाए पछि सोही अनुसार रकम कोषमा रकमान्तर हुनेछ ।
पुराना सामग्री ...
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
...................................................................................................................................................................