सरकारले माथिल्लो तामाकोशी जलविद्युत आयोजना सम्पन्न गर्न ५० करोड रुपैयाँ विनीयोजन गरेको छ । त्यस्तै बुढीगण्डकी आयोजनाको लागि मुआब्जा वितरणको लागि १० अर्ब १७ करोड रुपैयाँ विनियोजन गरेको छ ।
रानीजमरा, भेरी- बबई, सिक्टा सिचार्ई आयोजनमा लगाययतका आयेजनमाका लागि ५ अर्ब १६ करोड रुपैयाँ छुट्याएको छ ।
नीजगढ ,भैरहवा र पोखरा विमानस्थलका लागि १३ अर्ब ७२ करोड रुपैयाँ विनियोजन गरेको छ । दु्रत मार्ग निमार्णका लागि दश अर्ब १४ करोड र हुलाकी राजमार्गका लागि ४ अर्ब २७ करोड रुपैयाँ छुट्याएको छ ।
पूर्वपश्चिम रेलमार्ग लगायतका विभिन्न रेलमार्ग अध्ययनका लागि ४ अर्ब दुई करोड र पशुपति क्षेत्र तथा लुम्बिनी क्षेत्र विकासका लागि एक अर्ब १६ करोड रुपैयाँ सरकारले विनियोजन गरेको छ ।
त्यस्तै सरकारले मेलम्ची खानेपानी आयोजनका लागि ६ अर्ब ५७ करोड रुपैयाँ विनियोजन गरेको छ ।
