सार्वजनिक निष्काशनलाई सहज बनाउने क्रममा विभिन्न ५२ वटा बैंक तथा वित्तीय संस्थाले आस्बा अनुमति पाएका छन् । यो सँगै सबै वित्तीय संस्थाका ७५ जिल्लामा रहेका शाखाहरुबाट लगानीकर्ताले सहजै साधारण सेयरमा आवेदन गर्न पाउने छन् ।
धेरै बैंक तथा बित्तीय संस्थाले निशुल्क आश्वा सेवा दिने घोषणा गरेकाले जिल्ला जिल्लामा रहेका लगानीकर्ता लाभांन्वित हुनेछन् । आश्वाबाट सेयर आबेदन गर्न तपाइँको सेयर राख्ने खाता अर्थात हितग्राही खाता भने हुनुपर्छ ।
धेरै बैंक तथा बित्तीय संस्थाले हितग्राही खाता खोदिदिने र तपाइँको सेयर सुरक्षित साथ राखिने डीपी सेवा समेत लिएकाले जिल्लाहरुमै यो सुबिधा उपलब्ध हुन थालेको छ ।
नेपाल धितोपत्र बोर्डले अन्तिम पटक राष्ट्रिय वाणिज्य बैंकलाई आस्बा अनुमति दिएसँगै यो सेवा ७५ जिल्लामा नै बिस्तार भएको हो । धितोपत्र बोर्डका अनुसार ७५ जिल्लामा रहेका ५२ बैंक तथा वित्तीय संस्थाका दुई हजार तीन सय आठ शाखाबाट लगानीकर्ताले सहज रुपमा सेयर आवेदन गर्न पाउने छन् ।
आस्बाबाट सेयर आवेदन गर्न भने आस्बा अनुमति पाएका बैंक तथा वित्तीय संस्थामा बैंक खाता हुन जरुरी छ । यहाँ उल्लेख गरिएका बैंक तथा वित्तीय संस्थामा बैंक खाता भएका लगानीकर्ताले आस्बा वापतको शुल्क बुझाएर लाइन नबसी सहज रुपमा सेयर आवेदन गर्न सक्ने छन् ।
आस्बा प्रणालीबाट सेयर आवेदन गर्दा लगानीकर्ताले माग गरेको सेयर बराबरको रकम बैंक खातामा रोक्का हुन्छ भने सेयर बाँडफाँड पश्चात सेयर परेको रकम सम्बन्धित कम्पनीलाई बैंकले पठाई दिन्छ र बाँकी रकम स्वतः फुकुवा हुन्छ । यसबाट अहिलेको जसरी लाइन बस्नु पर्ने झण्झटको अन्त्य हुनुका साथै सेयर बाँडफाँड पश्चात सेयरनपरेको पैसा फिर्ता लिन तथा सेयर संकलन गर्न दोहोर्याएर जानु पर्दैन । लगानीकर्तालाई परेको् सेयर स्वतः डिम्याट खातामा जम्मा हुन्छ ।
केही बैंक तथा वित्तीय संस्थाले लगानीकर्ताको सहजताका लागि अनलाइन आस्बाको समेत सुरुवात गरिसकेका छन् ।
...[ईन्भेष्टमेण्ट र एसबिआईले अनलाईन आस्बाबाट यसरी लिन्छन् सेयर आवेदन]...
हेर्नुहोस्, कुन् कुन् बैंकबाट गर्न आस्बा प्रणालीबाट गर्न सकिन्छ सेयर आवेदन ? मोबाइल एपमा यो सूची नदेखिएको खण्डमा यो लिंकमा गएर पनि हेर्न सकिन्छ ।
