बीमा समितिले आगामी आर्थिक बर्ष अर्थात साउन एक गतेबाट लागु हुनेगरी निर्जीबन बीमा ब्यवसाय तर्फको अग्नी,सामुद्रिक तथा अन्य बीमा अन्तर्गतका विभिन्न बीमाशुल्क दर परिमार्जन गरेको छ । समितिले बीमितको हितलाई मध्यनजर गरी हुलदंगा हड्ताल, द्वेशपूर्ण कार्य, आतङ्ककारी तथा विध्वंसात्मक कार्यको बीमाशुल्क दर घटाएको बताएको छ ।

बीमा समितिले निर्धारण गरेको नयाँ बीमाशुल्क दर आगमी साउन १ गतेदेखि लागू हुनेछ ।

नयाँ दर अनुसार भवन बीमातर्फ निजी आवास (आवासीय फ्लाट एवं एपार्टमेण्ट समेत), होटल, बोर्डिङ्ग हाउस, हस्पिटल, पूजा गर्ने स्थल, पुस्तकालय, कला मन्दिर, होस्टल, म्युजियम, नर्सिंग होम, बैंक, क्लब, मेस हाउस, भोलिन्टर हेडक्वाटर, इन्स्टिच्यूट, मेला वा सभाकक्ष (थिएटर एवं सिनेमा प्रदर्शन गर्ने अनुमति प्राप्त) र कार्यालय (सरसामान भण्डार गर्नका लागि कुनै पनि अंश प्रयोग नभएको), एयरपोर्ट टर्मिनल, विद्यालय, महाविद्यालय तथा विश्वविद्यालय भवनको बीमा शुल्क बीमांक रकमको प्रतिहजार बीमांकमा २६ पैसाबाट घटाएर २० पैसा कायम गरेको छ ।

यस्तै वेयर हाउस तथा गोदाम बीमा तर्फको भन्सार नियन्त्रित वा भन्सार संरक्षित हाताभित्र रहेको बन्द वेयर हाउस वा गोदाम बीमामा बीमांक रकमको प्रतिहजार बीमांकमा ४४ पैसाबाट घटाएर ३५ पैसा बनाएको छ ।
अन्य स्थानमा रहेको –(कलकारखाना बाहेक)  बन्द वेयर हाउस वा गोदामको बीमामा बीमांक रकमको प्रतिहजार बीमांकमा ७० पैसाबाट घटाएर ५० पैसा कायम गरिएको छ ।

यसैगरी भन्सार नियन्त्रित वा भन्सार संरक्षित हाताभित्र रहेको खुल्ला वेयर हाउस वा गोदाम बीमातर्फको बीमामा बिमांक रकमको प्रतिहजार बिमांकमा ५२ पैसाबाट घटाएर ४० पैसा कायम गरिएको छ । अन्य स्थानमा रहेको खुल्ला वेयर हाउस वा गोदाम बीमामा बिमांक रकमको प्रतिहजार बिमांकमा ८० पैसाबाट घटाएर ६० पैसा कायम गरिएको समतिले जनाएको छ ।

कलकारखाना बीमा तर्फको कल कारखाना/म्यानुफ्याक्चरिङ्ग जोखिम तथा सोको परिसर भित्र रहेको भवन तथा सरसामान बीमामा बिमांक रकमको प्रतिहाजर बिमांकमा ५० पैसाबाट ४० पैसा कायम गरिएको छ । यस्तै पसल स्टोर (थोक वा खुद्रा) शो रुम र बजार बीमामा बिमांक रकमको प्रतिहजार बिमांकमा १ रुपैयाँ ४ पैसाबाट ८० पैसा बनाइएकोे छ ।

मनोरंजन स्थलतर्फको बीमामा चलचित्र भवन, प्रदर्शनी मण्डप, मेला वा मनोरञ्जन गर्ने पार्क, सर्कस बीमा शुल्क दर बिमांक रकमको प्रतिहजार बिमांकमा ७० पैसाबाट घटाएर ५० पैसा कायम गरिएको छ । यस्तै संचार स्थल तर्फको बीमामा रेडियो/टेलिभिजन स्टेशन वा प्रशारण स्थल र दूरसंचार बीमामा बिमांक रकमको प्रतिहजार बिमांकमा ४४ पैसाबाट घटाएर ३५ पैसा तोकिएको छ ।

बिद्युत स्टेशन सम्बन्धीको सार्वजनिक बिद्युत शक्ति स्टेशन, बिद्युत प्रसारण तथा बितरण प्रणाली बीमामा बिमांक रकमको प्रतिहजार बिमांकमा ४४ पैसाबाट घटाएर ३५ पैसा कायम गरिएको छ । रित्तो वा निर्माणको क्रममा रहेको भवन बीमाको प्रतिहजार बिमांकमा २६ पैसाबाट घटाएर २० पैसा झारिएको छ ।

अग्नी बीमा अन्तर्गत हाल कायम रहेको द्धेशपूर्ण कार्यको बीमाशुल्क दर बीमाङ्कको १० पैसा प्रतिहजार कायम रहेकोमा सो दरलाई घटाएर बीमाङ्कको ५ पैसा कायम गरिएको समितिले जानकारी दिएको छ ।

साथै ब्यक्तिगत दुर्घटना बीमालेख अन्तर्गत हाल १० लाख रुपैयाँसम्मको बीमाङ्कमा बीमाशुल्क दर बीमाङ्कको १० पैसा प्रतिहजार र १० लाख रुपैयाँभन्दा बढी बीमाङ्कमा बीमाशुल्क दर बीमाङ्कको २५ पैसा प्रतिहजार कायम भएकोमा उक्त दरलाई २० लाख रुपैयाँसम्मको बीमाङ्कमा १० पैसा प्रतिहजार र २० लाख रुपैयाँभन्दा बढीकोे बीमाङ्कमा २५ पैसा प्रतिहजार कायम गरिएको छ ।

गार्हस्थ बीमालेख अन्तर्गत हुलदंगा र हडताल तथा द्घेशपूर्ण कार्य र बिध्वंसात्मक÷आतंककारी कार्यको जोखिमको संयुक्त बीमाशुल्क दर बीमाङ्कको २० पैसा प्रतिहजार कायम गरिएको छ ।

आतंककारी तथा बिध्वंसात्मक कार्यको बीमाशुल्क दर पनि परिमार्जन गरिएको छ ।सवारी साधन बीमा अन्तर्गत मोटर बीमादर सम्बन्धी निर्देशिका, २०७३ बमोजिम कायम गरिएको पनि समितिले जनाएको छ ।

तेश्रो पक्ष दायित्व बीमालेख रद्घ गर्न मिल्ने नमिल्ने सम्बन्धमा हाल केही स्पष्ट ब्यवस्था नभएकोले स्पष्ट ब्यवस्था गर्नुपर्ने सम्बन्धमा दोहोरो बीमा भएको अवस्था तथा सवारी साधन पूर्णरुपमा क्षति भै दर्ता खारेज गरिएको अवस्थामा बाहेक तेश्रो पक्ष दायित्व बीमालेख रद्द गर्न नमिल्ने स्पष्ट व्यवस्था गरिएको समितिले उल्लेख गरेको छ ।

साथै भूकम्प पश्चात गार्हस्थ बीमा गर्नेको संख्यामा ब्यापक रुपमा बृद्धि भएकोले उक्त बीमा गर्दा लाग्ने बीमाशुल्क दर तोक्न आवश्यक भएको हुँदा सो सम्बन्धमा बीमाशुल्क दर बीमाङ्कको प्रति हजार एक रुपैयाँ कायम गरिएको समितिले जनाएको छ ।