एनआईबीको लाभांश र लाभांश घोषणा गरेको दिन बुधबार खरिद बिक्री भएको सेयर के हुने भन्नेमा लगानीकर्ताको चासो छ । यो बिषयमा प्रष्ट र छिटो निर्णय आउनु पर्नेमा लगानीकर्ताको जोड छ ।
सेयर लगानीकर्ता विनोद थापाले बैंकले गरेको गल्तीको सजाय लगानीकर्तालाई दिन नहुने बताए । यो सम्बन्धमा धितोपत्र बोर्डले तत्काल निर्णय लिनुपर्छ । सो दिनको सेयर कारोबारको राफसाफ नहुँदा लगानीकर्ताको ७ करोड भन्दा बढी रकम बन्धक बनेको छ । ७ करोड सानो रकम होईन लगानीकर्ता थापाले भने ।
यता धितोपत्र बोर्डले इन्भेष्टमेन्ट बैंकलाई स्पष्टीकरण बुझाउन आईतबारसम्म समय दिइएकोमा स्पष्टीकरण प्राप्त भएको र सो बिषयमा छलफल चलिरहेको जानकारी दिएको छ ।
बोर्डका एक अधिकारीले अहिले नै सो दिनको कारोबार के गर्ने र कारबाही के हुने भन्ने बिषयमा निर्णयमा नपुगेको बताए । 'अहिले यो बिषयमा बोर्डमा छलफल भईरहेको छ, हामी छिट्टै नै निचोडमा पुग्छौ, ति अधिकारीले भने । 'गलत मनशायले गलत सूचना जारी गरीएको रहेछ भने कारबाही हुन्छ, अहिले अनुसन्धानको क्रममै रहेको छ.जे निर्णय हुन्छ लगानीकर्ताको हितमै हुन्छ, उनले भने ।
धितोपत्र बोर्डले कारबाहीको टुङ्गो नलागेसम्मका लागि इन्भेष्टमेन्ट बैंकको गत बुधबार एक दिनको सेयर कारोबार राफासाफ नगर्न निर्देशन दिएको छ ।
यता सो दिन इन्भेष्टमेन्ट बैंकको सेयर खरिद बिक्री गरेका लगानीकर्ताहरुले ब्रोकरहरुलाई नियमक निकायलाई दबाब दिन आग्रह गर्न थालेका छन । सेयर खरिद गरेका लगानीकर्ताले सो दिनको कारोबार रद्ध गर्नुपर्ने माग गर्न थालेको छन भने सेयर बिक्री गरेका लगानीकर्ताले कम्पनीले गलत सूचना जारी गरेकाले कम्पनीलाई कारबाही गर्नुपर्ने र सो दिनको कारोबार राफासाफ गर्नुपर्ने तर्क गर्न थालेको एक ब्रोकरले बताए ।
स्टक ब्रोकर एशोसिएसनका अध्यक्ष प्रियराज रेग्मी पनि लगानीकर्ताको लगानी बन्धक नबाउन यो बिषयमा नियमक निकायले छिटो निर्णय लिनुपर्ने बताउछन् । 'हामीले यसो नै हुनुपर्छ भन्न सक्दैनौ, नियमक निकायले यस बिषयमा निर्णय लिन्छ, तर हाम्रो भनाई यत्ति हो की धितोपत्र बोर्डले यो बिषयमा तुरुन्त निर्णय गर्नुपर्यो ।' रेग्मीले भने ।
इन्भेष्टमेन्ट बैंकले लाभांशबारेको सूचना जारी गरेको दिन गत बुधबार ७ करोड रुपैयाँ बढीको ९१ हजार २४७ कित्ता सेयर किनबेच भएको थियो ।
बुधबार इन्भेष्टमेन्ट बैंकले बजार खुलेलगत्तै २५ प्रतिशत बोनस सेयर र १५ प्रतिशत नगद लाभांश वितरण गर्ने सूचना प्रवाह गरेको थियो । तर, त्यसको केही समयपछि ‘टाइप मिस्टेक’ भन्दै बैंकले अघिल्लो सूचनालाई सच्याई २५ प्रतिशत नगद लाभांश र १५ प्रतिशत बोनस सेयरको निर्णय गरिएको जानकारी गराएको थियो ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
