कम्पनीले भदौ २८ गतेदेखि हकप्रदमा अवितरित ४२ हजार ८१५ कित्ता सेयर लिलाम बढाबढमा विक्री खुला गरेको हो ।
लुम्बिनी जनरल इन्स्योरेन्सको सेयर विक्री प्रबन्धक सिबिआईएल क्यापिटल रहेको छ । इच्छुक बोलकबोल दाताले न्यूनतम १०० रुपैयाँ वा सो भन्दा बढी मूल्य तोकि एक सय कित्ता वा सो भन्दा बढी १० ले भाग जाने गरि सबै कित्ता सेयरका लागि आवेदन गर्न सक्नेछन् ।
प्राप्त बोलपत्र असोज ६ गते बेलुका ४ बजे सिबिआईएल क्यापिटल बाटुलेघर डिल्लीबजारमा खुला गरिने क्यापिटलले जनाएको छ ।
लुम्बिनी जनरल इन्स्योरेन्स कम्पनीले असार ३० देखि भदौ १ गतेसम्म शतप्रतिशत हकप्रद (३९लाख कित्ता) बिक्री खुला गर्दा अवितरित सेयर लिलाम बढाबढमा शिलबन्दी बोलपत्र आह्वान गरेको हो । चालु आर्थिक वर्षभित्र कम्पनीले चुक्ता पूँजी बढाएर एक अर्ब रुपैयाँ पुर्याउनु पर्नेछ ।
हकप्रदपछि ७८ करोड रुपैयाँ पूँजी रहेको कम्पनीको सेयरमूल्य बुधबार नेप्सेमा ९२६ रुपैयाँ रहेको छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य