बैंकले असोज महिनाको आधार व्याजदर घटेको भन्दै व्याजदरमा कटौती गर्न लागेको हो । बैंकका अनुसार उसको आधार व्याजदर छ दशमलव ६९ प्रतिशत कायम भएको छ । उक्त आधार व्याजदरमा प्रिमियम थप गरी बैंकले नयाँ व्याजदर लागू गर्ने भएको हो ।
बैंकले एक सूचना मार्फत मुद्दती निक्षेपमा अधिकतम नौ दशमलव ६९ प्रतिशतसम्ममा सेवा दिने बताएको छ । यसमा कुपन रेट र आधार मूल्य मध्ये जुन दर बढी हुन्छ त्यसमा तीन प्रतिशत प्रिमियम व्याजदर थप गरिने बैंकले जनाएको हो
कर्जा परिचालन गर्दा बैंकले आधार व्याजदरमा चार दशमलव ७७ प्रतिशतदेखि छ दशमलव ७७ प्रतिशतसम्म प्रिमियम थप गर्ने भएको छ । जस अनुसार बैंकले कर्जा प्रवाह गर्दा अधिकतम व्याजदर १३ दशमलव ४४ प्रतिशतसम्म कायम हुने बताएको हो ।
सेयर धितोकर्जा प्रवाह गर्दा आधार व्याजदरमा तीन दशमलव ५० प्रतिशतदेखि छ दशमलव ५० प्रतिशतसम्म प्रिमियम थप गरेर कर्जा प्रवाह गर्ने भएको छ । जस अनुसार बैंकले १० दशमलव १९ प्रतिशतदेखि १३ दशमलव १९ प्रतिशत सम्ममा सेयर धितोकर्जा प्रवाह गर्न सकिने जनाएको छ ।
------------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................