यस अघि बैंकमा आफ्नो चौथो ठुलो सेयर हिस्स भए पनि सोको प्रतिनिधित्व नभएको भन्दै म्युचुअल ट्रेडिगं कम्पनी अदालतको शरणमा पुगेको थियो । मंसिर १३ गते अदालतले बैंक सञ्चालक समिति तथा म्युचुअल ट्रेडिगं कम्पनीका प्रतिनिधिलाई उपस्थित गराई छलफल गरेको थियो । छलफल पश्चात साधारण सभाको प्रकृया अघि बढिसकेको सन्दर्भमा अदालतले केही निर्णय गर्नु नपर्ने भन्दै सोही तालिका अनुसार साधारण सभा सम्पन्न गर्न अदालतले बैंकलाई निर्देशन दिएको हो । अदालतले म्युचुअल ट्रेडिगं कम्पनीलाई बैंक सञ्चालक समितिमा प्रतिनित्वि नगराउनु पर्ने कुनै कारण नदेखिएको भन्दै कम्पनीको माग साधारण सभाबाट पुरा गराउन निर्देशन दिएको हो ।
अदालतले यस अघि अन्तरिम आदेश जारी गर्दै बैंकमा म्युचुअल ट्रेडिगं कम्पनीको प्रतिनिधित्व नगराउनुको कारण खुलाउन हिमालयन बैंक सञ्चालक समितिलाई आदेश दिएको थियो । बैंक सञ्चालक समितिका नाममा अन्तरिम आदेश जारी गर्दै उच्च अदालत पाटनले म्युचुअल ट्रेडिगं कम्पनीको माग अनुसार अदालतले आदेश किन जारी नगर्ने ? भन्ने प्रमाण समेत पेश गर्न भनेको थियो ।
अदालतको पछिल्लो निर्णयले हिमालन बैंक सञ्चालक समितिमा म्युचुअल ट्रेडिगं कम्पनीका तर्फबाट प्रसाद ज्ञवाली सञ्चालक नियुक्त हुने भएका छन् । बैंकमा ११.८५ प्रतिशत सेयर स्वामित्व रहेको म्युचुुअल ट्रेडिङ कम्पनी प्रालिले आफ्नो तर्फबाट प्रसाद ज्ञवालीलाई सञ्चालकको रुपमा मनोनीत गरेको निर्णय हिमालयन बैंकलाई लिखित रुपमा २०१७ अगस्ट २० मा जानकारी गराएको थियो । उक्त निर्णयलाई अब बैंकले साधारण सभाबाट अनुमोदन गराउनेछ ।
गत मंसिर ८ गते नै अदालतले दुवै पक्षलाई छलफलमा बोलाएको थियो । तर मंसिर १३ गते मात्र अदालतमा दुई पक्ष छलफलका लागि उपस्थित भएका थिए ।
बैंकले अब साधारण सभाको मिति सार्वजनिक गर्नेछ । गत आर्थिक वर्षको कमाईट लगानीकर्तालाई बितरण गर्ने लाभांस समेत प्रस्ताव बैंकले गरिसकेको छ । २५ प्रतिशत बोनस सेयर तथा कर प्रयोजनका लागि १.३१५८ प्रतिशत नगद लाभांसको प्रस्ताव पारित गर्दै बैंकले सञ्चालक समितिमा नयाँ नेतृत्व चयन गर्नेछ । हाल हिमालयन बैंकको चुक्ता पूँजी ६ अर्ब ४९ करोड १६लाख रुपैयाँ रहेको छ । २५ प्रतिशत बोनसपछि बैंकको पूँजी ८ अर्ब ११ करोड ४५ लाख रुपैयाँ पुग्नेछ ।
