साझा विकास बैंक र युनियन फाइनान्सलाई एक्वायरपछि देव विकास बैंकको चुक्ता पूँजी एक अर्ब ६३ करोड रुपैयाँ पुगेको छ ।
बैंकले १० बराबर ४ कित्ता अनुपातमा ६५ लाख ३३ हजार १०८ दशमलव ५९ कित्ता हकप्रद सेयर विक्री गर्नका लागि अनमुति माग गरेको हो । जसका लागि एनआइबिएल क्यपिटल मार्केटलाई बिक्री प्रबन्धक तोकेको छ ।
प्रस्तावित हकप्रदपछि बैंकको चुक्ता पूँजी दुई अर्ब २८ करोड रुपैयाँ नाघ्नेछ । राष्ट्र बैंकले तोकेको न्यूनतम चुक्ता पूँजीमा अपुग २२ करोड रुपैयाँको बोनस सेयर वितरण गरि पुर्याउने बैंकले जनाएको छ ।
त्यस्तै, देवः सहारा विकास बैंकलाई समेत एक्वायर प्रकृयामा रहेको छ । चालु आवको पहिलो त्रैमासमा बैंकले तीन करोड २३ लाख रुपैयाँ खुद नाफा कमाएर प्रतिसेयर आम्दानी वार्षिक ८ रुपैयाँ ९६ पैसा कायम गरेको छ ।
