कम्पनीले चालु बर्षको पुस मसान्तसम्म ७ अर्ब ४८ करोड २८ लाख रुपैयाँ नाफा गरेको छ। गत वर्षको यसै अवधिमा कम्पनीले ७ अर्ब ९१ करोड ८६ लाख नाफा गरेको थियो।
कम्पनीको सेवा बापतको आम्दानी घटेपछि नाफा घटेको हो । कम्पनीले सेवा प्रदानमार्फत १९ अर्ब ७० करोड रुपैयाँ आम्दानी गरेको छ। गत बर्ष यस्तो आम्दानी २० अर्ब ६४ करोड रुपैयाँ थियो। यसअवधिमा कम्पनीले दुई अर्ब ६६ करोड रुपैयाँ अन्य आम्दानी गरेको छ। कम्पनीको अन्य आम्दानी भने बढेको छ ।
कम्पनीले यस अवधिमा १२ अर्ब ३४ करोड खर्च गरेको छ । गतबर्ष कम्पनीको खर्च ११ अर्ब ७२ करोड थियो । कम्पनीको आम्दानी घटेको छ भने खर्च बढेको छ ।
कम्पनीको चुक्ता पूँजी १५ अर्ब रुपैयाँ रहेको छ भने जगेडा कोषमा ७५ अर्ब ३४ करोड रुपैयाँ जम्मा भएको छ।
कम्पनीको आम्दानीमा गिरावट आउँदा प्रति शेयर आम्दानी ६ रुपैयाँले घटेको छ। कम्पनीको प्रति शेयर आम्दानी ९९.७७ रुपैयाँ छ। गतबर्ष प्रतिसेयर आम्दानी १०५.५८ रुपैयाँ थियो । कम्पनीको प्रति शेयर नेटवर्थ पनि ६२५ रुपैयाँबाट ६०२ रुपैयाँमा झरेको छ। मूल्य आम्दानी अनुपात ६.५८ बाट बढेर ८ गुणा पुगेको छ ।
