समस्याग्रस्तबाट तंग्रदै गरेको कम्पनी नाम जस्तै बेष्ट हुने प्रयासमा

Mar 07, 2018 merolagani

समस्ग्रस्त कम्पनी समालेर बनेको वेष्ट फाइनान्स (BFC) ले सिनर्जी फाइनान्सलाई प्राप्ति गर्ने भएको छ । जसका लागि कम्पनीले आगामी चैत्र १४ गते हुने २१ औं साधारण सभाबाट उक्त प्रस्ताव पारित गर्ने भएको छ । साथै सोही दिन हुने सिनर्जीको १९ औ साधारण सभाले पनि एक्विजिशनको प्रस्ताव पारित गर्ने भएको छ ।

नेपाल राष्ट्र बैंकले तोकेको चुक्ता पूँजी पुर्याउने बाध्यता रहेका कारण बेस्टले सिनार्जीलाई प्राप्ति गर्न लागेको हो।

वेष्टले सिनर्जीलाई एक बराबर एक सेयर स्वाप दिएर खरिद गर्ने भएको छ । साथै कम्पनीको यसअघिको साधारणसभाले पारित गरेको हकप्रद सेयर निष्काशनको प्रस्ताव खारेज गर्ने भएको छ । यसअघि वेस्ट फाइनान्सले एक सय ७५ प्रतिशत हकप्रदको प्रस्ताव गरेको थियो ।

एक्विजिशनपछि कम्पनीको नाम बेष्ट फाइनान्स राखिने छ । अध्यक्ष बेष्ट फाइनान्सका पदमराज न्यौपानेले निरन्तरता पाउने र प्रमुख कार्यकारी अधिकृतमा सिनर्जी फाइनान्सका प्रमुख कार्यकारी अधिकृत विनितमणि उपाध्ययले निरन्तरता पाउने भएका छन् ।

आफै समस्याग्रस्त संस्थाबाट २०७३ मंसिरबाट फुकुवा भएको बेष्ट फाईनान्स (साबिकको जनरल फाईनान्स) ले सिनर्जीलाई प्राप्ती गर्न लागेको हो । साबिकको जनरल फाइनान्स गत असोज २४ गतेदेखि बेष्ट फाईनान्स कम्पनीमा रुपान्तरण भएको थियो ।

२०५२ सालमा स्थापना भएको तत्कालिन जनरल फाइनान्सलाई राष्ट्र बैंकले २०७० जेठमा समस्याग्रस्त घोषणा गरेको थियो। समस्याग्रस्त संस्थाको रुपमा रहेको फाइनान्स कम्पनीमा एनआरएन समूहको प्रवेशपछि नयाँ गति लिएको थियो ।

सिनर्जी फाइनान्स तत्कालीन एल्पिक एभरेष्ट फाइनान्स, सीएमबी फाइनान्स र बुटवल फाइनान्स एक आपसमा मर्ज भएर बनेको थियो ।

एकिकृत भएपछि बन्ने फाईनान्स कम्पनीको चुक्ता पूँजी ८९ करोड रुपैयाँ पुग्नेछ ।

comments powered by Disqus

हरेक नेपालीलार्इ शेयरधनी बनाउन ३५०० मेगावाटका आयोजना निर्माण गर्दै सरकार

Sep 25, 2018

सरकारले हरेक नेपाली नागरिकलाई जलविद्युत् आयोजनाको शेयरधनी बनाउने लक्ष्यका साथ तीन हजार ५०० मेगावाट क्षमताका जलविद्युत् आयोजना निर्माणको प्रक्रिया शुरु गर्ने भएको छ।‘नेपालको पानी, जनताको लगानी’ मूल नाराका साथ सबै नेपालीलाई लगानीकर्ता बनाउने र दीर्घकालीन रूपमा आर्थिक उपार्जनको माध्यम बनाउने लक्ष्यका साथ उक्त अवधारणा अगाडि सारिएको हो।