जीवन बिमा कम्पनीले बीमा समितिको निर्देशन अनुसार हकप्रद जारी गरेर न्यूनतम चुक्ता पुँजी २ अर्ब रुपैयाँ कायम गर्ने बाटो समातेको थियाे ।
नेशनल लाइफ इन्स्योरेन्सकाे हाल चुक्त्ता पूँजी एक अर्ब ६५ करोड ६० लाख रुपैयाँ रहेको छ । ६० प्रतिशत हकप्रद पश्चात कम्पनीको पुँजी २ अर्ब ६४ करोड ९७ लाख रुपैयाँ नाघ्नेछ ।
चुक्ता पूँजीको ६० प्रतिशत अर्थात १० बराबर ६ कित्ता अनुपातमा ९९ लाख ३६ हजार ४७८ कित्ता हकप्रद सेयर बिक्री गर्न अनुमति प्राप्त गरेको हो ।
हकप्रद विक्रीका लागि कम्पनीले एनआइबीएल क्यापिटल मार्केटलाई बिक्री प्रबन्धक तोकेको छ । हकप्रद जारी गर्न अनुमति पाएसँगै कम्पनीले हकप्रद जारी गर्ने प्रकृया अगाडि बढाउने जनाएको छ । अब सेयरधनी किताब बन्द गर्ने र खुला हुने मिति तोक्नेछ ।
गत बिहीबार कम्पनीको सेयर मूल्य प्रतिकित्ता १३८६ रुपैयाँमा काराेबार भएको छ । चालू अावकाे तेश्राे त्रैमासमा कम्पनीले २२ कराेड २० लाख रूपैयाँ खुद नाफा अार्जन गरेर प्रतिसेयर अाम्दानी १७ रूपैयाँ ८८ पैसा कायम गरेकाे छ ।