एक्विजिसन गर्ने सम्बन्धमा दुबै संस्थाहरुको २०७४ चैत २४ गते सम्पन्न छुटाछुटै साधारण सभाले प्रस्ताव पारित गरेका थिए ।
प्राप्ती कार्य तथा दुबै संस्थाका तथ्याङ्कलाई बैंकिङ्ग सफ्टवेयरमा एकिकृत गर्नका लागि साउन १६ गते एक दिन दुबैको कारोबार बन्द हुने जनाइएको छ ।
एकीकृत फाइनान्सको चुक्ता पूँजी ८९ करोड पाँच लाख २४ हजार २३७ रुपैयाँ पुग्नेछ ।
एक्विजिसन पश्चात फाइनान्सको केन्द्रीय कार्यालय, हाल सिनर्जी फाइनान्सको कर्पोरेट कार्यालय रहेको स्थान कमलादी काठमाडौंमा रहनेछ ।
२०५२ सालमा स्थापना भएको तत्कालिन जनरल फाइनान्सलाई राष्ट्र बैंकले २०७० जेठमा समस्याग्रस्त भएको थियो । समस्याग्रस्त संस्थाको रुपमा रहेको फाइनान्स कम्पनीमा एनआरएन समूहको प्रवेशपछि बेष्ट फाइनान्सको नामबाट सञ्चालनमा आएको थियाे।
यस्तै सिनर्जी फाइनान्स तत्कालीन एल्पिक एभरेष्ट फाइनान्स, सीएमबी फाइनान्स र बुटवल फाइनान्स एक आपसमा मर्ज भएर बनेको थियो ।
हाल सिनर्जी फाइनान्सको २५ प्रतिशत हकप्रद (११ लाख८६ हजार २२.४७ कित्ता) बिक्रि खुल्ला रहेको छ । यस हकप्रदमा अावेदन गर्ने अन्तिम दिन साउन २७ गते रहेकाे छ ।
