संस्थाले अघिल्लो आर्थिक बर्षको तुलनामा गत आर्थिक बर्षमा खुद मुनाफा १८.९३ प्रतिशतले बढाएको छ । बैंकले गत असार सम्ममा ८ करोड ५७ लाख ६३ हजार रुपैयाँ नाफा कमाएको छ । जुन अघिल्लो बर्षको भन्दा एक करोड ३६ लाख बढी हो ।अघिल्लो बर्ष नेशनलले ७ करोड ११ लाख कमाएको थियो ।
कम्पनीको संचालन मुनाफा, खुद ब्याज आम्दानी, अन्य संचालन आम्दानी तथा नियमित कारोबारको कमाईमा आएको सुधारले नाफा बढेको हो ।
नाफा बढेपनि कम्पनीको चुक्तापूँजी बढेकाले प्रतिसेयर आम्दानी भने एक रुपैयाँ बढीले घटेको छ । जसको प्रति शेयर आम्दानी ७१ रुपैयाँ २६ पैसा तथा प्रति शेयर नेटवर्थ २४२.०८ रुपैयाँ रहेको छ ।
खराब कर्जाको अनुपात केही बढ्दा पनि कम्पनीको नाफा प्रभावित भयो । उसको खराब कर्जा ०.९२ प्रतिशत छ । जसले सम्भावित जोखिम व्यवस्थापनमा एक करोड ५२ लाख राखेको छ ।
संस्थाको चुक्ता पुँजी १२ करोड ३ लाख छ भने जगेडाकोषमा १७ करोड १० लाख रुपैयाँ राखेको छ । ७४ करोड ५८ लाख रुपैयाँ निक्षेप संकलन र एक अर्ब ६८ करोड कर्जा सापट लिएको माइक्रोफाइनान्सले दुई अर्ब ४१ करोड कर्जा परिचालन गरेको छ ।
