समीक्षा अवधिमा पूँजी स्थिर रहेको माईक्रोफाईनाइन्सको जगेडा कोष २१.९४ प्रतिशतले बढेको छ । कम्पनीले गत आर्थिक बर्षमा २५ करोड ७३ लाख रुपैयाँ खुद नाफा आर्जन गरेको छ । अघिल्लो बर्ष कम्पनीले २१ करोड १२ लाख खुद नाफा कमाएको थियो ।
पूँजी स्थिर भएपछि माइक्रोफाइनान्सको प्रतिसेयर आम्दानी अघिल्लो बर्षभन्दा ६ रुपैयाँ ३४ पैसा बढेर ३५ रुपैयाँ ४१ पैसा पुगेको छ । लघुवित्तहरुलाई कर्जा प्रवाह गर्ने कम्पनी भएकाले कम्पनीले निस्क्रिय कर्जालाई शुन्य प्रतिशतमा कायम राख्दिै आएको छ ।
समीक्षा अवधिमा ५ अर्ब ६१ करोड ९७ लाख रुपैयाँ सापटी लिएर ६ अर्ब ८४ करोड आठ लाख कर्जा प्रवाह गरेको छ । यस अवधिमा लघुवित्तले ४० करोड ५९ लाख रुपैयाँ खुद ब्याज आम्दानी गरेको छ । गत बर्षको यसै अवधिमा कम्पनीले ३४ करोड ०५ लाख खुद ब्याज आम्दानी कमाएको थियो ।
कर्मचारी खर्च र अन्य सञ्चालन खर्च वृद्धिलाई नियन्त्रण गरेको कम्पनीले ७ करोड ३७ लाखले सञ्चालन नाफा बढाएको छ ।
खर्च कटौती र क्रमबद्ध प्रगति गर्दै आएको यस माइक्रोफाइनान्सले जोखिम बहन क्षमता र संस्थागत सुशासन कायम गदै लगानीकर्तालाई प्रतिफल दिने क्ष्मता कसरी बढाउनुपर्छ भन्ने पाठ अन्य लघुवित्तलाई समेत सिकाएको छ ।
कम्पनीको प्रतिसेयर नेटवर्थ २९७ रुपैयाँ ०८ पैसा, पूँजी कोष अनुपात २५.२६ प्रतिशत र मूल्य आम्दानी अनुपात १६.६७ गुणा मात्र बढी रहेको छ ।
