बैंकले गत आर्थिक वर्षमा २ अर्ब १ करोडरुपैयाँ खुद नाफा गरेको छ । अघिल्लो आर्थिक वर्षमा बैंकले १ अर्ब ३८ करोड रुपैयाँ नाफा गरेको थियो । बैंकको नाफा ४६ प्रतिशतले बढी हो ।
बैंकले एनएफआरएस अनुसार प्रकाशित गरेको वित्तीय विवरण अनुसार यसअवधिमा ४ अर्ब ९६ करोड ब्याज आम्दानी गरेर एक अर्ब ६२ करोड ब्याज खर्च गरेको छ भने ३ अर्ब ३१ करोड खुद ब्याज आम्दानी गरेको छ । त्यस्तै शुल्क र कमिशनबाट ६६ करोड ३७ लाख रुपैयाँ आम्दानी गरेको छ ।
बैंकले गत आर्थिक वर्षसम ६७ अर्ब ३८ करोड निक्षेप संकलन गरी ४७ अर्ब ७ करोड कर्जा लगानी गरेको छ । आठ अर्ब एक करोड चुक्ता पूँजी भएको बैंकको जगेडाकोषमा ६ अर्ब २३ करोड रुपैयाँ पुगेको छ ।
नाफा बढेपनि बैंकको प्रतिसेयर आम्दानी भने घटेको छ । बैंकको प्रतिशेयर आम्दानी २५ रुपैयाँ ८८ पैसा छ । अघिल्लो वर्ष बैंकको प्रतिशेयर आम्दानी ३५.४९ रुपैयाँ रहेको थियो ।
बैंकको निष्क्रिय कर्जा ०.१८, निक्षेप लागत बढेर ४.३१, कर्जा निक्षेप अनुपात ७१.६८, आधारदर बढेर ७.८७ प्रतिशत पुगेको छ । बैंकको प्रति शेयर नेटवर्थ १७३.४६ रुपैयाँ रहेको छ ।
