नेपाल स्टक एक्सचेञ्जले बैंकको बोनसपछि प्रतिकित्ता शेयरमूल्य १८७ रुपैयाँ २७ पैसा निर्धारण गरेको छ । समायाेजित मूल्यलार्इ अाधार मानेर बैंककाे अाइतबार शेयर काराेबार सूचारू हुनेछ । नेप्सेमा १८० दिन कारोबार भएको मूल्यको आधारमा बैंकको औसत आधारमूल्य २१८.१४ रुपैयाँ कायम भएको नेप्सेले जनाएकाे छ ।
गरिमाले शेयरधनीहरुलाई गत बर्षको कमाईबाट चुक्ता पूँजीको १० प्रतिशत बोनस तथा ३.७५ प्रतिशत नगद गरि कूल १३.७५ प्रतिशत लाभांश वितरण गर्ने प्रस्ताव गरेको थियो ।
सो बोनस पारित गर्न बैंकले असोज २६ होटल पोखरा ग्रान्ड विरौटामा बिहान १०ः३० बजे १२ औं साधारण सभा आह्वान गरेको छ ।
बैंकको सभाले २५ करोड ३४ लाख ८८ हजार रुपैयाँको बोनस शेयर तथा ९ करोड ५० लाख ५८ हजार रुपैयाँ नगद लाभांश वितरण गर्ने प्रस्ताव पारित गर्नेछ । त्यसैगरि अन्य संस्थासँग मर्जर तथा एक्विजिसनका लागि आवश्यक प्रकृया अगाडि बढाउन सम्पूर्ण अधिकार सञ्चालक समिति प्रदान गर्ने मुख्य एजेण्डा साधारण सभामा रहेको छ ।
बोनस पश्चात गरिमाको चुक्ता पूँजी २ अर्ब ७८ करोड ८३ लाख ६७ हजार रुपैयाँ पुग्नेछ । बैंकको बोनस शेयर साधारण सभाबाट पारित भएपछि शेयरधनीलाई वितरण हुनेछ ।
