महरा पक्राउपछि माओवादी नेता लेखनाथ न्यौपानेले उठाएको प्रश्न प्रचण्ड कसरी चोख्खै?

Mar 18, 2024 06:25 PM Merolagani

पूर्वअर्थमन्त्री, सभामुख तथा माओवादी नेता कृष्णबहादुर महरा फेरि पक्राउ परे । ३ वर्ष अघि सभामुख हुँदा जवर्जस्ती करणी अभियोगमा पक्राउ परेपछि उनी सभामुखबाट वर्खास्त भएका थिए ।

त्यतिबेला उनले आफ्नै कार्यकर्ता एक महिलालाई जर्वजस्ती गरेर भोलि पल्ट त्यो घटना विर्सन अनुरोध गर्दै पठाएको 'फर्गेट एस्टडे' भन्ने सन्देशले नेपाली राजनीतिमा एउटा मिथक नै बनाएको छ । पहिले केपी ओली प्रधानमन्त्री हुँदा पक्राउ परेका उनी अहिले आफ्नै पार्टी अध्यक्ष प्रचण्ड प्रधानमन्त्री हुँदा पक्राउ परेका छन् । माओवादी उपाध्यक्ष महरा पक्राउ प्रकरणलाई कतिपयले प्रचण्ड र गृहमन्त्री लामिछानेको ठूला माछा समात्ने घोषणाको कार्यान्वयन गरेको भन्दै प्रशंसा गरिरहेका छन् । तर, के साँच्चै महरा पक्राउ प्रकरण प्रचण्ड सरकारको, स्वंय प्रचण्डको वा माओवादीको भ्रष्टाचार विरोधी अभियानको अंग हो ? निश्चय पनि महरा पक्राउ पर्नु नेपालको भ्रष्टाचार र आर्थिक अनियमितता नियन्त्रणको लागि एउटा कडी हो । तर, अहिले सत्ता दाउपेचका कारण उनी पक्राउ परेपनि यथार्थमा प्रधानमन्त्री प्रचण्ड उनीमाथि कारवाही गर्ने पक्षमा थिएनन् र उनलाई जोगाउन हदैसम्म प्रयासरत थिए भन्ने स्पष्ट हुन्छ । यदि त्यस्तो हुँदैनथ्यो भने प्रचण्डले महरामाथि प्रश्न उठ्ने वित्तिकै छानविन गरेर कारवाही गर्ने थिए ।

सुन तस्करी प्रकरणमा महराको संलग्नता केही महिना अघि नै खुलेको हो, तर पनि प्रचण्डले महरामाथि कारवाही गरेनन् । अनेक ढंगले कारवाही प्रकृयालाई पर धकेल्ने, अरुलाई कारवाही गरेर महरालाई उम्काउन खोज्ने प्रयत्न गरिरहे । प्रधानमन्त्रीले घोषणा गरेझैं साँच्चै नै भ्रष्टाचार र आर्थिक घोटाला प्रति सून्य सहनशिलता अपनाएको भए महरालाई पार्टी उपाध्यक्षबाट हटाएर पहिले नै कारवाही गरिसक्थे । तर, संचारमाध्यमको निरन्तरको खबरदारीको कारण सुन प्रकरणमा महराको संलग्नता रहेको कुरा सेलाउन पाएन, बरु निरन्तररुपमा संचारमाध्यम र सर्वसाधारणले महरालगायतलाई लक्षित गर्दै ठूला माछालाई जोगाउन खोजेको भन्दै खबरदारी गरिरहे । त्यही खबरदारीको बीचमा सत्ता परिवर्तन भएपछि आफ्ना सबैभन्दा भरपर्दा सहयोगी महरामाथिको कारवाहीलाई प्रधानमन्त्री प्रचण्डले समेत रोक्न सकेनन्  । यो कुरालाई माओवादी केन्द्रिय नेताहरु नै खुलेआम स्वीकार गरेका छन् । महरा पक्राउ लगत्तै सोमबार दिउँसो माओवादी केन्द्रिय सदस्य लेखनाथ न्यौपानेले माओवादीमा पद र पैसाको लागि मरिहत्ते गर्नेहरुको बोलवाला रहेको र त्यसलाई स्वंय प्रचण्डले संरक्षण गरिरहेको दावी गरेका छन् ।

फेसबुकमा न्यौपानेले लेखेका छन्-'विकृतिको केन्द्र सत्ता हो, चाहे हिजोको नयाँ सत्ता होस् चाहे हिजो हामीले भन्ने गरेको आजको पुरानो सत्ता होस् । जो जो पटक पटक लाभको पदमा गए वा लामो समयसम्म एउटै पदमा बसे, विकृति झ्याङ्गिएको त्यहीँ छ । पद र पैसाको लागि मरिहत्ते गर्ने प्रवृत्ति नेपाली राजनीतिको महारोग हो, यसमा त्यत्रो सपना र वलिदानबाट आएको माओवादी पनि उहीँ ड्याङको मूला भन्ने सर्वसाधारणको भनाइलाई जस्ताको तस्तै  पार्टीभित्र र बाहिर राख्दै आएको हो निरन्तर । यसकारण मलाई प्रचण्ड विरोधी भनेर आरोप लगाउने गरिएको छ । जिल्लाहरु जान नदिने गरी अवरोध गर्ने र कुनै कार्यक्रममा जादा कसले बोलायो यसलाई ? भनेर आयोजकलाई झपार्ने गरेको सुनेको छु, जसले आफुलाई प्रचण्डको खास मान्छे भन्दै शासन चलाएका छन् । ती तोरीलाउरेहरुले आजभोलि के सोच्दै होलान् ?  दुःख लाग्छ, यस्ताहरुले माओवादी आन्दोलनको नेत्तृत्व गरेपछि हुने यस्तै हो ।'

युवा नेता न्यौपानेले भनेझैं माओवादी पार्टी भित्र शासन चलाइरहेका ‘प्रचण्डका खास मान्छेहरु’ भ्रष्टाचार र आर्थिक अनियमिततामा लिप्त छन् । स्वंय प्रचण्डकी स्वकीय सचिव तथा छोरी गंगा दाहालमाथि सबैभन्दा प्रश्न उठिरहेको छ । पार्टी उपमहासचिव रहेका पूर्वअर्थमन्त्री जनार्दन शर्माका काण्डहरुको बारेमा त चर्चा गर्ने निकै लामो फेहरिस्त बन्छ । त्यस्तै अभियोगहरु लागेका माओवादीका खास गरि प्रचण्ड पक्षीय नेता कार्यकर्ताहरुको संख्या निकै लामो छ । तर, प्रचण्ड आफै तिनीहरुको संरक्षण गरिरहेका छन् । प्रचण्ड र हरेक पार्टीका मुख्य नेतृत्वले हदैसम्मको निर्मम नभएसम्म महरा वा अरु एक केही व्यक्तिहरु पक्राउ परे पनि आर्थिक र राजनीतिक क्षेत्रको वेथिति नियन्त्रण हुने संभावना देखिदैन

comments powered by Disqus

राजनीतिबाट विरक्तिएपछि पदबाट हटाइदिन अनुरोध गर्दै मन्त्री बुढा, नहटाए आफै राजीनामा दिने, अब कहिल्यै चुनाव नलड्ने

May 19, 2024 04:10 PM

मन्त्री बन्नको लागि राजनीतिक पार्टीका नेताहरुबीच निकै चर्काे हानथाप हुने गर्छ । तर, अहिले एकजना त्यस्ता मन्त्री भेटिएका छन्, जस्ले आफूलाई ‘मन्त्री हुने रहर पुग्यो, मलाई हटाएर अर्काेलाई मन्त्री बनाइदेउ’ भन्दै पार्टी नेताहरुसँग हार गुहार गरेका छन् ।