एमएडब्ल्यू ग्रुपका प्रबन्ध निर्देशक विष्णुकुमार अग्रवाल, विशाल ग्रुपका निर्देशक निकुन्ज अग्रवाल र चौधरी समुहका निर्देशक निर्वाण चौधरी र करण चौधरीले अटोमोबाइल हेरिरहेका छन् ।
एमएडब्ल्यु समुह
एमएडब्ल्युले हेभि इक्युपमेन्टदेखि चर्चित प्यासेन्जर गाडीसम्म बिक्री गर्दै आएको छ । एमएडब्ल्यूले दुईपांग्रे यामाहा र हेभीइक्युपमेन्टमा जेसीबी र चारपांग्रेमा जिप, स्कोडा र पछिल्लो समय चर्चित ब्रान्डको रुपमा स्थापित सेरेस बिक्री गर्दै आएको छ ।
त्यस्तै एमएडब्ल्यूले नामी विद्यूतीय गाडी पनि नेपाल भित्र्याउने तयारी गरिरहेको छ । चांगन र फोटोन ब्रान्ड पनि एमएडब्ल्युको पक्कडमा छ । प्रिमियम ब्रान्डको रुपमा एमएडब्ल्यू ग्रुपको जिप नेपालमा लोकप्रिय छ। लाइफ अटोमोबाइल्स प्रालि आधिकारिक बिक्रेता रहेको ब्रान्डमा जिप कम्पास र र्याङ्गलर, स्कोडा, आइच गाडी नेपालमा लोकप्रिय गाडी हुन्।
बिशाल समुह
बिशाल समुह अन्य क्षेत्रमा पनि राम्रो पक्कड बनाए पनि पछिल्लो समय अटोमोबाइलस क्षेत्रमा पनि आक्रामक बनिरहेको छ । विशाल ग्रुप अन्तर्गतको प्यारामाउन्ट मोटर्सलले दुईपांग्रेमा सुजुकी बाइक तथा स्कुटर, चारपांग्रेमा फक्सवागन, एमजी, म्याक्सस, माज्दा र रेनो बिक्री गर्दै आएको छ । चिनियाँ ब्रान्ड ग्रेटवाल मोटर्सको आधिकारिक बिक्रेता समेत विशाल ग्रुपअन्तर्गतको भीजी इम्पेक्स हो।
कम्पनीका हावेल एच ६, हावेल जोलायन, जीडब्ल्यूएम पिकअप बिक्री गरिरहेको छ। ग्रेटवालको भिन्टेज लुक्सको ओरा ३ पनि विशाल ग्रुपले भित्र्याएको छ।
अटोमोबाइल व्यवसायमा आक्रामक चौधरी ग्रुप
चौधरी समुह अन्तरगतकाे सिजी मोटोकर्पले मारुती सुजुकीका चारपांग्रे गाडी बिक्री गर्दै आएको छ । जुन हालका नाडा अटोमोबाइल एसोसियसनका अध्यक्ष करण चौधरीले हेर्दै आएका छन । अटो व्यवसायीमा विनोद चौधरीका छोरा निर्वाणको प्रवेशसँगै चौधरी ग्रुपले धमाधम विद्युतीय ब्रान्ड भित्र्याइरहेको छ ।
चौधरी समुहले नेटाभि, एवोन विद्युतीय गाडी बिक्री गर्दै आएको छ । त्यस्तै गत केहि महिन अगाडी चिनियाँ इभी ब्रान्ड स्मार्टको पनि आधिकारीक वितरकको जिम्मेवारी पाइसकेको छ । त्यस्तै कमर्शियल तर्फ केवाईसी, किङलङका गाडी बिक्री हुँदै आएका छन्।
गत महिना मात्रै ज्योती समुहबाट हिरो ब्रान्डको आधिकारीक वितरक खोसेको छ । हाल हिरो दुइपाँग्रे ब्रान्ड पनि बिक्री गर्दै आएको छ ।
त्यस्तै पछिल्लो पटक सीजी मोटर्सले दुई प्रिमियम ब्रान्डका विद्युतीय सवारी नेपाल ल्याउन सम्झौता गरेको छ। कम्पनीले चिनियाँ सवारी उत्पादक समूह झेजियाङ जिली होल्डिङ ग्रुपको स्वामित्वमा रहेका एक्सपाङ र लोटस कार ल्याउने भएको छ ।
