ताइवानमा २५ वर्ष यताकै शक्तिशाली भूकम्प

Apr 03, 2024 10:26 AM Merolagani

ताइवानमा बुधबार (अप्रिल ३) ७.५ म्याग्निच्युडको भूकम्प गएको छ। यसको धक्का जापान र फिलिपिन्ससम्म महसुस गरिएको थियो। ताइवानको दमकल विभागका अनुसार ४ जनाको मृत्यु भएको छ भने ५० जना घाइते भएका छन्।

मौसम विभागका अनुसार पूर्वी ताइवानको हुआलियन सहरमा भूकम्प गएको हो। यसको केन्द्र पृथ्वीबाट ३४ किलोमिटर तल थियो। नेपाली समय अनुसार बिहान ५ः४५ बजे भूकम्पको धक्का महसुस गरिएको हो। धेरै भवनहरू ध्वस्त हुनुका साथै भूस्खलन पनि भएको बताइएको छ।

ताइवानको सेन्ट्रल वेदर ब्यूरोका अनुसार यो २५ वर्षयता ताइवानमा आएको सबैभन्दा शक्तिशाली भूकम्प हो। यसअघि सन् १९९९ मा ७.६ म्याग्निच्युडको भूकम्प गएको थियो। त्यसबेला २ हजारभन्दा बढीको मृत्यु भएको थियो।

जापान–फिलिपिन्सले सुनामीको चेतावनी हटायो

भूकम्पपछि ताइवान, जापान र फिलिपिन्सले सुनामीको चेतावनी जारी गरेको थियो। जापानको मौसम विभागले समुन्द्रमा ३ मिटर वा १० फिट अग्लो छाल आउने अनुमान गरेको थियो। तर, अहिले जापान र फिलिपिन्सले सुनामीको चेतावनी हटाएका छन्।

चीन सहयोग पठाउन तयार

चिनियाँ सञ्चारमाध्यमका अनुसार चीनस्थित ताइवान मामिलाको अनुगमन गर्ने कार्यालयले भूकम्पबाट भएको क्षतिप्रति चिन्तित रहेको र ताइवानलाई सहयोग पठाउन तयार रहेको जनाएको छ। चीनले ताइवानलाई आफ्नो हिस्सा दाबी गर्दै आएको छ। यद्यपि, ताइवानले आफूलाई स्वतन्त्र भन्छ।

६.५ म्याग्निच्युडको परकम्प

ताइवानमा धेरै परकम्पहरू पनि महसुस गरिएको छ। यीमध्ये सबैभन्दा शक्तिशाली ६.५ म्याग्निच्युडको परकम्प थियो।

(दैनिक भाष्करबाट अनुवादित)

comments powered by Disqus

२२२ रुपैयाँको लागि बालेन र राजेन्द्र लिङदेनबीच चर्काचर्की, निर्णय फिर्ता नलिए बालेन विरुद्ध अदालत जाने लिङदेनको चेतावनी

Apr 15, 2024 06:13 PM

 भनिन्छ, व्यक्तिगत ‘इगो’ भयो भने मानिस जस्तोसुकै सानो घटनालाई पनि प्रतिष्ठाको विषय बनाउँछ र अर्काे पक्षको विरुद्ध जाइलाग्छ । काठमाडाैं महानगरपालिकाका प्रमुख बालेन्द्र साह (बालेन) र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनबीच शुरु भएको २२२ रुपैँयाको विवादले त्यही कुरालाई पुष्टि गरेको छ ।