नेप्से ४ प्रतिशत बढ्दा पनि केहि कम्पनीको शेयरमूल्य ३ गुणभन्दा धेरै बढेको देखिन्छ। यस वर्ष गुँरास लघुवित्तको शेयरमूल्य सबैभन्दा धेरै २.२५ प्रतिशतले बढेको छ। लगानीकर्ताले एक वर्षमा नै ३ गुणा बढी नाफा कमाएका छन्। यस्तै मोलुङ हाइड्रोपावरबाट पनि १७३ प्रतिशत नाफा कमाएका छन् भने उन्नति सहकार्य लघुवित्तबाट १५५ प्रतिशत र पिपुल्स पावरबाट १०८ प्रतिशत नाफा कमाएका छन्।
यसैगरी सोल्टी होटलबाट ८७ प्रतिशत नाफा कमाएका छन् भने विन लघुवित्तबाट ८६ प्रतिशत र नेपाल इन्स्योरेन्सबाट ७७ प्रतिशत नाफा कमाएका छन्।
यता केहि कम्पनीबाट भने लगानीकर्ताले ३८ प्रतिशतसम्म गुमाएका छन्। अपर तामाकोसीको शेयमूल्य यस अवधिमा ३८ प्रतिशतले घटेको छ। कम्पनीको शेयरमूल्य २८० रुपैयाँबाट घटेर १७१ रुपैयाँमा झरेको छ।
यस्तै अरुण काबेली हाइड्रोपावरको शेयरमूल्य ३०.९४ प्रतिशतले घटेको छ भने चन्द्रागिरी हिल्सको २९.८१ प्रतिशत, एनआइसी एशिया बैंकको २९.४३ प्रतिशत र नबिल बैंकको २९.२३ प्रतिशतले घटेको छ।
