हाल लगानी समूहमा ७ वटा कम्पनी सूचीकृत छन्। जसमा नेपाल इन्फ्रास्टक्चर डेभलपमेन्ट बैंक र सिइडिबि हाइड्रोपावर बाहेक पाँचवटा कम्पनीले नाफा बढाएका छन्।
- नाफामा एचआइडिसिएल अगाडि, नागरिक लगानी कोषको प्रतिशेयर आम्दानी उच्च
चैतसम्मको वित्तीय विवरण अनुसार जलपविद्युत लगानी तथा विकास कम्पनीको नाफा सबैभन्दा धेरै १ अर्ब ९ करोड रुपैयाँ देखिएको छ भने नेपाल इन्फ्रास्टक्चर बैंकको पनि ९८ करोड रुपैयाँ छ।
यता इमर्जीङ नेपालको भने नाफा सबैभन्दा कम ३६ लाख रुपैयाँ मात्रै कमाएको छ।
नाफा बढी कमाए पनि एचआइसिडिएल र निफ्राको उच्च पूँजीका कारण प्रतिशेयर आम्दानी भने कम छ।
तेस्रो त्रैमाससम्ममा नागरिक लगानी कोषको प्रतिशेयर आम्दानी २२ रुपैयाँ १३ पैसा छ भने सिइडिबि हाइड्रोपावरको ११ रुपैयाँ ८१ पैसा छ।
यता इमर्जीङ नेपालको प्रतिशेयर आम्दानी सबैभन्दा कम ३ रुपैयाँ ६५ पैसा छ।
- पूँजीमा एचआइडिसिएल अगाडि, सिआइटिको रिजर्भ बलियो
इन्भेष्टमेन्ट समूहका कम्पनीहरुमध्ये जलविद्युत लगानी तथा विकास कम्पनीको चुक्ता पूँजी सबैभन्दा धेरै २२ अर्ब ७७ करोड छ भने नेपाल इन्फ्रास्टक्चर बैंकको २१ अर्ब ६० करोड रुपैयाँ छ।
यता इमर्जीङ नेपालको सबैभन्दा कम ५५ करोड रुपैयाँ छ।
![](https://images.merolagani.com/Uploads/Repository/638511301650192129.png)
(नाेटः चुक्ता पूँजी, जगेडा र नाफाकाे रकम दश लाखमा देखाइएकाे छ।)
- शेयरमूल्य नागरिक लगानी कोषको सबैभन्दा उच्च
लगानी समूहको कम्पनीहरुमध्ये नागरिक लगानी कोषको शेयरमूल्य सबैभन्दा धेरै २०७५ रुपैयाँ छ भने हाथवे इन्भेष्टमेन्टको ८३० रुपैयाँ छ।
यता सबैभन्दा धेरै पूँजी भएको जलविद्युत लगानी तथा विकास कम्पनीको प्रतिकित्ता १६२ रुपैयाँ छ भने निफ्राको १९३ रुपैयाँ छ।
- सिआइटीको रिटर्न सबैभन्दा धेरै
तेस्रे त्रैमासको वित्तीय विवरण अनुसार सिआइटिको रिटर्न अन इक्वीटि सबैभन्दा धेरै १२.९२ प्रतिशत देखिएको छ भने सिइडिबि हाइड्रोपावरको ७.२९ प्रतिशत छ।
इमर्जीङ नेपालको भने रिटर्न अन इक्वीटि ३.४१ प्रतिशत मात्र छ।