बजारले करिव दुई महिना पछि २१ सयको विन्दु पार गरेको हो । यस भन्दा पहिले मार्च १३ मा २१ सयको विन्दु पार परेको थियो ।
यस समाचार तयार पार्दा सम्ममा बजार ५५.५२ अंकले बढेर २११९.९८ विन्दुमा पुगेको छ । यस अवधिमा दुई अर्ब २२ करोड २० लाख रुपैयाँको शेयर खरिद बिक्री भएको छ ।
आज कारोबारमा आएका सबै समूहमा लगानीकर्ता अकषर्ण देखिएको छ । जसमध्येमा बैंकिङ समूहमा लगानीकर्ताको आकषर्ण बढी देखिएको छ । यस अवधिमा दुई वटा कम्पनीको शेयर मूल्य सकारात्मक सर्किट लेभलमा बढेको हो ।
नेपाल राष्ट्र बैंकको मौद्रिक नीति समीक्षापछि आम लगानीकर्ताको मनोविज्ञान सकारात्मक बनेको देखिन्छ । विशेषगरी समीक्षाले बैंकहरुलाई आफूले लगानी गरेको धितोपत्रहरु एक वर्ष पुगेपछि २० प्रतिशतसम्म बिक्री गर्न दिने नीति लिएसँगै बजारमा सकारात्मकता आएको हो ।
