क्यानडा जान २४ वर्षका युवा ६७ वर्षे वृद्ध जस्तै बनेपछि...

Jun 20, 2024 04:37 PM Merolagani

भारतकाे दिल्लीस्थित इन्दिरा गान्धी अन्तर्राष्ट्रिय विमानस्थलमा एक वृद्ध पक्राउ परे । आफूलाई ६७ वर्षका बताउने ती पुरूषलाई विमानस्थलमा केन्द्रीय औद्योगिक सुरक्षा बलले नियन्त्रणमा लियाे । क्यानडा उड्न लागेका उनी पक्राउ पर्नुकाे कारण चलचित्र जतिकै राेचक छ ।  

खासगरी, मंगलबार बेलुकी आफूलाई वृद्ध बताउने ती पुरूष २४ वर्षका युवक भएकाे खुलेपछि प्रहरीले पक्राउ गरेकाे हाे । क्यानडा जानकै लागि उनले एक वृद्धकाे भेष धारण गरेका थिए । गुरु सेवक सिंह नाम गरेका ती युवकले कपालमा सेताे रङ लगाएका थिए भने कपडा पनि वृद्धकै जस्तै थियाे । 

विमानस्थलको टर्मिनल ३ मा सिंहलाई पक्राउ गरिएकाे हाे । उनको गतिविधिहरू शंकास्पद लागेपछि पहिलो पटक सीआईएसएफका कर्मचारीहरूले जाँच गरेका थिए । 

ती व्यक्तिले रशविन्दर सिंह सहोता नाम भएका ६७ वर्षका एक व्यक्तिका पासपाेर्ट बाेकेका थिए । उनले आफ्नो परिचय पनि त्यहिँ नै दिएका थिए। उनी मंगलबार दिल्लीबाट उड्न लागेकाे एयर क्यानडाको विमानमा चढ्नुपर्ने थियाे ।

उनकाे हाउभाउ, आवाज र छाला पासपाेर्ट भन्दा फरक पाएपछि उनीमाथि शंका गरिएकाे थियाे ।पासपाेर्टमा उपलब्ध गराइएका विवरणहरू भन्दा उनी धेरै कान्छो देखिन्थे। त्यसपछि नजिकबाट हेर्दा उनले आफ्नो कपाल र दाह्रीमा सेतो रंगाएकाे र वृद्ध देखिन चश्मा लगाएकाे पत्ता लागेकाे थियाे ।

   त्यसपछि, सोधपुछ गर्दा ती व्यक्तिले आफ्नो सही परिचय दिएका थिए । उनी २४ वर्षका गुरु सेवक सिंह भएकाे खुलासा गरे। उनको मोबाइलमा यस नामको पासपाेर्टकाे फोटो पनि भेटिएको थियाे ।

नक्कली पासपाेर्ट बाेकेकाे आराेपमा यात्रुलाई उनको सामानसहित यस विषयमा कानुनी कारबाही अघि बढाउनका लागि उनलाई दिल्ली प्रहरीको जिम्मा लगाइएकाे छ ।

comments powered by Disqus

टप ब्रोकरको रोजाईमा कुन कम्पनी ?

Jul 18, 2024 06:13 AM

शेयर बजार बढेसँगै पछिल्लो समय कारोबार रकममा समेत उछाल आउन थालेको छ । बुधबार नेप्से परिसुचक ५४.०४ अंकले बढेर २३ सय ६४ दशमलब ६३ विन्दुमा पुग्दा १२ अर्ब ५ करोड रुपैयाँको शेयर कारोबार भएको छ जुन ३५ महिना यताकै उच्च हो भने नेप्से परिसुचक समेत २६ महिना यताकै उच्च विन्दु हो ।