गोगोराेको २ नयाँ इलेक्ट्रीक स्कुटर नेपाल आउने पक्का, कति रहेकाे छ मूल्य ?

Jul 07, 2024 06:20 PM Merolagani



गोगोराेको नयाँ इलेक्ट्रीक स्कुटर नेपाल आउने पक्का भएकाे छ। गोगोरोको नेपालका लागि आधिकारिक बिक्रेता कम्पनी नेबुला इनर्जीले जिगो सिरिजका दुई स्कुटर नेपाल भित्राउन लागेकाे हाे । 

ताइवानी कम्पनी गोगोरोकाे जिगो सि १ बी र सि २ बी नेपाल ल्याउनेछ । भदौ ११ गतेदेखि सुरू हुन लागेकाे नाडा अटो शोमा यी स्कुटरहरूकाे प्रदर्शन गर्ने भएकाे हाे ।

गोगोराेले दशैँसम्ममा यी स्कुटरहरूकाे बिक्री गर्ने तयारी गरिरहेकाे छ । यद्धपि प्राविधिक समस्या भएमा तिहारसम्म लाग्ने कम्पनीकाे भनाइ छ ।

गत बैशाखमा नेबुला इनर्जीले स्वापिङ स्टेशन निर्माण गर्ने घाेषणा गरेकाे थियाे। यसका साथै, कम्पनीले इकर्मसका लागि हुने स्कुटर सार्वजनिक गरेको थियो । 

अहिले,कम्पनीले काठमाडौंको दुई स्थानमा स्वापिङ स्टेशन निर्माण गरेको छ। यसैगरी, दशैँसम्ममा थप केहि स्थानमा स्वापिङ सेन्टर स्थापना गर्ने कम्पनीकाे योजना रहेकाे छ । 

कति छ मूल्य ?

यससँगै गोगोरोकाे जिगो सि १ बी र सि २ बी इलेक्ट्रीक स्कुटरकाे मूल्यसूची पनि सार्वजनिक गरिएकाे छ ।

जसमध्ये जिगो सि १ बीको मूल्य २ लाख ५५ हजार रुपैयाँ ताेकिएकाे छ । यससँगै, सि २ बीको २ लाख ६५ हजार ५०० रुपैयाँ पर्नेछ । यद्धपि स्कुटर सार्वजनिक गर्दासम्म कम्पनीले यो मूल्यमा केहि हेरफेर गर्न सक्नेछ । याे मूल्यमा ग्राहकले ब्याट्रीको मूल्य तिर्नु पर्ने छैन । 




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।