ऐतिहासिक उचाईबाट सुनको मूल्य निरन्तर घट्दै

Jul 09, 2024 10:52 AM Merolagani

नेपाली बजारमा मंगलबार सुन र चाँदीको मूल्य घटेको छ । यस दिन सुनको मुल्य प्रतितोला ९०० रुपैयाँले घटेको छ भने चाँदीको मूल्य तोलामा ५ रुपैयाँले घटेको हो ।

नेपाल सुनचाँदी व्यवसायी महासंघका अनुसार यस दिन छापावाला सुन प्रतितोला एक लाख ४४ हजार १०० रुपैयाँ र तेजावी सुन प्रतितोला एक लाख ४३ हजार ४०० रुपैयाँमा कारोबार भईरहेको छ ।

सोमबार छापावाला सुन प्रतितोला एक लाख ४५ हजार रुपैयाँ र तेजावी सुन प्रतितोला एक लाख ४४ हजार ३० रुपैयाँमा कारोबार भएको थियो । आइतबारको बजारमा सुनको मूल्य हालसम्मकै उच्च विन्दुमा पुगेको थियो । ऐतिहासिक उचाई बनाएपछिका दुई कारोबार दिन सुनको मूल्यमा निरन्तर गिरावट भएको हो ।

महासंघका अनुसार यस दिन चाँदीको मूल्य तोलामा ५ रुपैयाँले घटेको छ । मंगलबार चाँदी प्रतितोला एक हजार ८८५ रुपैयाँमा खरिद बिक्री भईरहेको छ । सोमाबार चाँदी तोलामा एक हजार ८९० रुपैयाँमा किनबेच भएको थियो ।

comments powered by Disqus

टप ब्रोकरको रोजाईमा कुन कम्पनी ?

Jul 18, 2024 06:13 AM

शेयर बजार बढेसँगै पछिल्लो समय कारोबार रकममा समेत उछाल आउन थालेको छ । बुधबार नेप्से परिसुचक ५४.०४ अंकले बढेर २३ सय ६४ दशमलब ६३ विन्दुमा पुग्दा १२ अर्ब ५ करोड रुपैयाँको शेयर कारोबार भएको छ जुन ३५ महिना यताकै उच्च हो भने नेप्से परिसुचक समेत २६ महिना यताकै उच्च विन्दु हो ।