साइबर ठगीका हरेक दिन नयाँ नयाँ घटना सार्वजनिक भइरहेका छन् । त्यसमध्ये पछिल्लाे पटक शेयर बजारसँग सम्बन्धित नयाँ ठगीकाे घटना सार्वजनिक भएको छ । भारतको मुम्बईमा एक महिलालाई साइबर अपराधको शिकार बनाइएको हाे ।

ती भारतीय महिलालाई साइबर ठगहरुले केहि दिनमा थाेरै रुपैयाँलाई डबल हुने सपना देखाएका थिए । त्यसपछि, उनीहरूले महिलालाई अनलाइन कारोबारका बारेमा सिकाए । यसरी कारोबार गर्दा धेरै कमाई हुने उनलाई लोभ पनि देखाइएको थियो ।

लोभले लाभ, लाभले विलाप

यसरी, ४२ वर्षीय ती महिला ठगहरुको जालमा फसिन् । उक्त ठगीमा परेर उनले १३ लाख भारतीय रुपैयाँ (करिब २० लाख ८० हजार नेपाली रुपैयाँ) गुमाइन् ।

खासमा के हो त यो कारोबारको स्क्याम ?

इन्स्टाग्राममा देखेकी थिइन् मेसेज

यस विषयमा ती महिलाले प्रहरीकाेमा उजुरी पनि दिएकी थिइन् । उनका अनुसार  एक दिन इन्स्टाग्राम चलाइरहेको समयमा उनले अनलाइन ट्रेडिंग स्क्यामको विज्ञापन देखेकी थिइन् ।

पैसा डबल गर्ने लोभले डुबायो

यसैगरी, ठगहरूले उनलाई उच्च प्रतिफलको लोभ दिएका थिए । थोरै लगानी गर्दा केहि दिनमै रकम दोब्बर हुने लोभ पनि उनलाई देखाइएको थियो । साेहि लोभमा परेर ती महिला फसिन् र उनले त्यस लिंकमा क्लिक पनि गरिन्।

व्हाट्सएप ग्रुपमा राखियो

भारतीय संचारमाध्यमका अनुसार ती महिलाले विज्ञापनमा क्लिक गर्दा उनलाई एक व्हाट्सएप ग्रुपमा समावेश गरिएकाे थियाे । उक्त ग्रुपमा शेयर बजारसँग सम्बन्धित टिप्स दिइने गरिएकाे उनले बताइन् ।

१२ कारोबारमा लुटियो यति रुपैयाँ

त्यसपछि, साइबर ठगीको यो खेल महिलासँग खेल्न सुरू भयाे । यसैबीच, उनले १२ ट्रान्जेक्सनमा १३.८३ लाख भारतीय रुपैयाँ ट्रान्सफर गरेकी थिइन् ।

कहिले भयो भण्डाफोर ?

ती महिलाले यस साइबर ठगीको बारेमा पछि मात्र पत्ता लगाइन् । उनले आफ्नो पैसा निकाल्ने कोशिस गर्दा मात्र यसबारेमा थाहा पाएकी थिइन्। तर उनले यस काेशिसका बाबजुद पनि पैसा निकाल्न सकिनन् । अनि मात्र आफू ठगीमा परेको उनलाई महसुस भयो ।

थप रकम मागियो

यधपी त्यसपछि पनि विवरण माग्दा पीडित महिलालाई करका रुपमा ३० प्रतिशत बापत तीन लाख ९० हजार भारतीय रुपैयाँ दिन भनियो । तर उनले ठगहरुलाई उक्त रकम दिन अस्विकार गरिन् । उनले पैसा दिन नमानेपछि उक्त ग्रुपबाट नै उनलाई निकालिएकाे उनले संचारमाध्यमसँग बताएकी छिन् ।

एजेन्सीकाे सहयाेगमा ।