बीपीए अवार्ड २०२३ बाट एनसीएचएल सम्मानित

Jul 22, 2024 12:45 PM Merolagani



नेपाल क्लियरिङ्ग हाउस लि.(एनसीएचएल)(NCHL)लाई इन्स्टिच्युट अफ चार्टर्ड अकाउण्टेण्ट्स अफ नेपाल (ICAN)द्वारा सञ्चालन गरिएको वार्षिक कार्यक्रममा "नेशनल बेस्ट प्रिजेण्टेड अवार्ड" अन्तर्गत सन् २०२३ का लागि फाइनान्सियल सर्भिसेस् क्षेत्रको विधातर्फ “सर्टिफिकेट अफ मेरिट” प्रदान गरिएको छ ।

एनसीएचएलले आ.व. २०७९/८० को लागि सार्वजनिक गरेको वार्षिक प्रतिवेदनको आधारमा उक्त पुरष्कार प्रदान गरिएको हो ।

अघिल्ला वर्षहरुमा समेत एनसीएचएलले ICAN तथा साउथ एसियन फेडेरेसन अफ अकाउण्टेण्ट्स (SAFA) बाट 'बेस्ट प्रिजेण्टेड एनुयल रिपाेर्ट अवार्ड्स' पुरष्कार प्राप्त गर्दै आएको छ । एनसीएचएल, नेपाल राष्ट्र बैंक तथा बैंक वित्तीय संस्थाहरुद्वारा प्रवर्द्धित कम्पनी हो । एनसीएचएलले हरेक वर्ष पारदर्शि रुपमा सार्वजनिक गर्दै आएको वार्षिक प्रतिवेदन तथा वित्तीय डिस्क्लोजर तर्फको प्रतिवद्धताको सम्मान स्वरुप उक्त अवार्डलाई लिएको छ ।

एनसीएचएलले आफ्ना ५२ सदस्य बैंक तथा वित्तीय संस्थाहरू मार्फत एनसीएचएल-इसीसी, एनसीएचएल-आईपीएस, रिटेल पेमेण्ट स्विच (आरपीएस), कनेक्ट आरटीजीएस, नेशनल पेमेण्ट्स इन्टरफेस(एनपीआइ) , कनेक्ट आइपीएस , कर्पाेरेट पे र नेपाल पे क्यूआर प्रणालीहरू सञ्चालन गरी सेवा प्रदान गर्दै आएको छ । साथै यसमा इन्स्योरेन्स, रेमिट्यान्स, पिएसपी/पिएसओ, सरकारी तथा अर्ध–सरकारी संस्थाहरु लगायत १०० भन्दा बढी इन्डाइरेक्ट/प्राविधिक सदस्यका रुपमा आबद्ध रहेका छन् । हाल एनसीएचएलले एनपीएस अन्तर्गत नेशनल कार्ड स्विच र नेपाल पे कार्ड पनि कार्यान्वयन गर्ने क्रममा रहेको छ ।




माछापुच्छ्रे बैंकद्वारा लाभांश घोषणा

Aug 29, 2025 06:52 PM

माछापुच्छ्रे बैंक लाभांश घोषणा गरेकाे छ । आज बसेकाे संचालक समिति बैठकले गत आर्थिक वर्ष २०८१/८२ को खुद नाफाबाट सेयरधनीलाई चुक्ता पुँजीको ८ प्रतिशत लाभांश करसहित दिने प्रस्ताव गरेकाे छ ।